Gerðir kirkjuþings - 01.01.2013, Side 74

74 75
1955 (1986, fyrir árið 2011). Ekki liggur fyrir hér hversu margar útfarir fóru fram hér á
vegum þjóðkirkjunnar og presta hennar. Hjónavígslur 2011 voru 1458 (eða 4,6 á 1000
íbúa) og af þeim voru 1085 kirkjulegar. Lifandi fæddir árið 2012 voru 4533 (4492 árið
2011).
Ef bara er horft til þess að 76,2% íbúa tilheyra þjóðkirkjunni má áætla að skírnir hafi
verið um 3450, kirkjulegar hjónavígslur voru eins og áður segir 1085(árið 2011) og að
kirkjulegar útfarir hafi verið um 1500.
Ef þessar tölur er notaðar má áætla að í sókn með 1000 sóknarbörn séu að meðaltali:
• 14 Skírnir
• 14 Fermingarbörn
• 3 Hjónavígslur
• 6 Útfarir
LÍKAN Athafnir og fjöldi sóknarbarna/þjóðkirkjufólks
Fjöldi sóknarbarna 300 500 750 1000 1250 2500 3500
• skírnir 4 7 10 14 17 34 48
• fermingarbörn 4 7 11 14 18 35 49
• hjónavígslur 1 2 3 4 5 11 15
• útfarir 2 3 4 6 7 15 21
Þetta er líkan sem gefur vísbendingar um fjölda athafna í sóknum eftir fjölda þjóðkirkjufólks
og byggir einnig á tölfræði sem Hagstofan heldur utan um (Hagstofan tekur ekki saman
upplýsingar um skírnir og ekki um fermingar). Aldursamsetning breytir þessum tölum
frá einni sókna til annarrar og eins sú venja hér að athafnir fara ekki endilega fram í sókn
viðkomandi. Sumar kirkjur eru hentugri er aðrar eins og t.d. vegna fjölmennra útfara,
aðrar eru nýttar af öðrum ástæðum og prestar flakka á milli kirkna við að skíra, gifta eða til
að annast útfarir. Þetta er eitt af einkennum okkar kirkjustarfs og prestsþjónustu. Í vinnu
nefndarinnar var ekki unnt að taka þetta saman og vinna úr til að meta þjónustubyrði
prestanna. Eins og áður er nefnt fyrst og fremst unnið með messuskyldur í sóknunum og
hlut presta á samstarfssvæðum sem mikilvæg viðmið, auk þess sem metinn er fjöldi íbúa
og sóknarbarna á þjónustubyrði prestsþjónustunnar.
Um afleysingar – héraðsprestar og prófastar
Með messuskyldum og samstarfssvæðum er keppt að því að sóknarbörn geti á tilteknu
svæði sótt guðsþjónustu hvern helgan dag og án þess að þurfa að aka um langan veg. Þessi
skylda hvílir á prestum að svæðinu að sjá til þess að messað sé á svæðinu alla helgidaga
kirkjunnar. Messað er víða í þéttbýlinu alla þessa daga sem eru um 60 á ári. Þar sem prestar
eru fleiri en einn í prestakallinu og aðeins um einn messustað að ræða, er þetta nokkuð
auðleyst. Hins vegar er messað á fleiri stöðum svo sem hjúkrunarheimilum, kapellum á
sjúkrahúsum þar sem sjúkrahúsprestar eru ekki starfandi. Álagið kann því að vera þannig