Skagfirðingabók - 01.01.2016, Síða 13

KAUPMANNSHJÓNIN Á SAUÐÁRKRÓKI
13
keypti Haraldur og opnaði þar Verzlun
Haraldar Júlíussonar 28. júní 1919.
Það gegnir furðu að honum skyldi
takast að öngla saman fé fyrir húsinu og
einhverjum lager, því að ekki dugði að
opna verslun ef ekkert væri framboðið
af vörum. Og hann átti tímadag þarna:
náði að kaupa inn vörur sínar fyrir
gengisfall sem yfir dundi um haustið.
Haraldur bjó einnig í Baldri og Jakobína
systir hans kom vestur og hugsaði um
heimilið, líklega allt fram til þess að
Haraldur kvæntist.
Ekki er ólíklegt að Haraldur hafi séð
hvað Baldur lá vel við verslunarrekstri.
Sunnan við húsið var sláturhús Kristjáns
Gíslasonar og norðan við Baldur voru
fiskverkun og sláturhús Steindórs
Jónssonar. Milli þeirra var sund og
um það lá leið manna niður á glænýja
bryggju sem tekin var í notkun 1917.
Öll þessi starfsemi dró að sér fólk – sem
skaust inn í búðina og höndlaði það sem
hugur þess stóð til.
Kári Jónsson vann um skeið í
versluninni og var þar heimagangur:
„Haraldur kappkostaði að hafa fjöl-
breyttar og vandaðar vörur á boðstólum,
og verzlaði jöfnum höndum með mat-
vörur, búsáhöld, vefnaðarvörur og margs
konar annan varning.“ Nú vill svo til
að reikningar fyrir fyrsta rekstrarár
verslunarinnar eru til (HSk. 1110, 4to:
Aðalreikningur 31. desember 1919):
Gjöld kr. au.
Skuld við Útibú Landsverslunar Ak. 2.390.66
- Sigm. Jóhannsson Rvík 258.90
- Axel Schiöth Ak. 6.781.10
- Nathan & Olsen 1.183.32
- Carl J. Schiöth 5.092.00
Inneign viðskiptamanna 1.104.98
Reksturskostnaður 2.874.03
Mismunur 1.624.55
Kr. 21.309.54
Tekjur kr. au.
Í sjóði samkv. sjóðbók 4.017.62
Vöruleifar samkv. skrá 14.512.00
Skuldir viðskiptamanna 1.233.52
Inneign hjá C. Höepfner Rvík 677.60
– – Hans Petersen 68.80
Litur af ýmsum tegundum 800.00
Kr. 21.309.54
1920 Janúar 1. og netto hagnaður Kr. 1.624.55