Skagfirðingabók - 01.01.2016, Síða 25

KAUPMANNSHJÓNIN Á SAUÐÁRKRÓKI
25
mjög skynsöm kona,“ segir Guðrún
sonardóttir hennar, „ég man t.d. að hún
var ekki í vafa um að alkoholismi væri
sjúkdómur. Það var fágæt skoðun á þeim
tíma. Ég man enn þá daginn sem hún
dó. Þá misstum við öll mikið.“ Í grein
sem Guðrún birti þegar amma hennar
og alnafna hefði orðið 100 ára segir hún
svo: „Mér er t.d. minnisstæð bíóferð,
þar sem hún sjötug fór með mig að sjá
söngvamynd með goðinu Elvis Presley
og lét sig hafa að sitja undir hávaðanum
í tvo tíma frekar en að telpan missti af
myndinni. Er ég þess fullviss að á þessum
tíma voru þær ekki margar ömmurnar
sem létu hafa sig út í svona lagað. Mér
er einnig minnisstætt umburðarlyndið
gagnvart bítlaæðinu, sem gripið hafði
sonardótturina ungu og setti mark sitt á
heimili afa og ömmu á þeim tíma sem
ég bjó hjá þeim. Eftir skilnað foreldra
okkar dvöldumst við Helga systir mín
mikið hjá ömmu af afa á Sauðárkróki
og mótuðumst mikið af þeirri dvöl. Það
veganesti hefur nýst okkur vel allar götur
síðan. Amma og afi kenndu okkur m.a.
nýtni og sparsemi og það að hamingjan
felst ekki í veraldlegum gæðum né að
meta fólk út frá slíkum eigum.“
Og fjölskyldan frá Bolungarvík kom
um langan veg. Einar Kristinn: „Á
hverju vori óku foreldrar mínir með
okkur systkinin í aftursætinu sem leið lá
frá Bolungarvík og norður á Sauðárkrók
til afa og ömmu. Pabbi rak á þessum
árum síldarplanið Nöf á Siglufirði með
Skafta Stefánssyni. Dvaldist hann fyrir
vikið mikið á Siglufirði á sumrin, en
mamma var eftir með okkur krakkana á
Króknum.
Drengirnir í bekknum hans Bjarna. Enginn man nú hvers vegna stúlkurnar eru ekki með
á myndinni. Fremri röð f.v.: Jónas Þór Pálsson, Aðalsteinn Valdimarsson, Bragi Björnsson,
Friðrik Jónsson. Aftari röð f.v.: Sigfús Jónsson, Bjarni Haraldsson, Stefán Þröstur Sigurðsson
og Eiríkur Eiríksson. Stakur fyrir aftan stendur Haraldur Jónsson.