Skagfirðingabók - 01.01.2016, Side 44

SKAGFIRÐINGABÓK
44
Júlíussyni yrði sparisjóðnum ekki til
trafala.
Nokkur ár keypti Haraldur ull af
bændum. Í gögnum hans er bók þar sem
hann skráir ullarkaup sín 1929–1931.
Þau skipta hundruðum kílóa ár hvert
og færslur í bókina eru mjög nákvæmar.
Tilgreint er magn, litur ullar og hver
lagði inn, hvað var greitt. Þar blasir
við að hann átti viðskiptavini um alla
sýsluna.
Haraldur var í Heimilisiðnaðarfélagi
Sauðárkróks langa hríð; skv. félagatali
hefur hann gengið í félagið eigi síðar en
1923, en það ár er nafn hans í félagatali;
eldri gögn eru ekki til, en líklega hefur
hann orðið félagi fyrr. Meðlimir eru 52
árið 1923, bæði karlar og konur. Eitthvað
virðist hafa gengið á í félaginu það árið,
því að K.G. kaupmaður og dætur hans
segja sig úr félaginu, einnig Kristín
Briem, Margrét Pétursdóttir o.fl. Kristín
gekk síðar aftur í félagið. Stríðsárin voru
félagar 60–70, flestir 1939 eða 76 talsins.
Líklega hefur Haraldur komið nálægt
stjórn félagsins, a.m.k. hefur hann séð um
að fá unglinga til að bera út tilkynningar
á vegum félagsins og hann kvittar upp
á reikninga áður en þeir eru greiddir.
Félagið beitti sér fyrir námskeiðum, t.d.
í vefnaði, útskurði, saumum o.fl. Skv.
reikningi 1948 prjónuðu 17 konur alls
1.080 pör af sokkum og vettlingum,
þar af Gunnhildur Andrésdóttir 124
pör. Mikið var selt suður, til Elling-
sen, Hvannbergsbræðra, Haraldar Böð-
varssonar og co. og Ragnhildar Run-
ólfsdóttur, en vafalaust hefur Haraldur
keypt eitthvað fyrir verslun sína.
Pantanir sendu verslanirnar til Haraldar.
Ljóst er að störf hans fyrir félagið voru
miklu umfangsmeiri en hagur verslunar
hans kallaði á. Haraldur keypti ull af
bændum og var um skeið umboðsmaður
fyrir Álafoss. Ullina sem hann keypti
sendi hann suður og fékk band til baka;
Heimilisiðnaðarfélagið virðist hafa
fengið mest af sínu garni frá Gefjun
á Akureyri sem sendi það vestur með
Drangi. Sumt af Álafossgarninu seldi
Dráttarvélar af Deutz-gerð sem Haraldur
seldi bændum. Myndin er tekin í Samgöngu-
safninu í Stóragerði. Rosknir Króksarar
muna eftir þessum vélum á bílastæðunum á
grunni Bræðrabúðar. Þegar þær voru komnar
á sinn stað þá var sumarið á næstu grösum.
Ljósm.: Hjalti Pálsson.
Sæmundur SK 1 drekkhlaðinn síld að koma
til löndunar á Króknum; skipið er að leggjast
að syðra planinu.
Ljósm.: Jón Dýrfjörð.