Skagfirðingabók - 01.01.2016, Qupperneq 67

HREYSTIVERK Á HOLTAVÖRÐUHEIÐI
67
það taldi Gísli að þakið hafi farið af
en vinstra stuðarahornið rekist í jörð
og bíllinn við það kastast fram yfir sig,
hálfvegis á ská því að hann kom niður
á hliðina en valt síðan á hvolf. Við
endastunguna kastaðist Mansi upp úr
bílnum og alla leið út í Norðurá. Leifur,
sem sat frammi í, slöngvaðist einnig út
og lá undir vélarhlífinni þegar bíllinn
stöðvaðist. Gísli var hins vegar skorð-
aður í aftursætinu og hreyfðist lítið þótt
bíllinn kastaðist til. Tókst honum að
koma sér undan bílnum þegar hann var
kominn í kyrrstöðu. Sá hann þá hvar
Mansi lá á bakinu úti í ánni hálfrotaður
með höfuðið eitt upp úr vatninu. Varð
honum fyrst fyrir að ná í Mansa og
bjarga honum í land en velti síðan
bílflakinu ofan af Leifi eins og áður
hefur fram komið. Aðspurðir fullyrtu
allir að hraðinn hefði ekki verið yfir
40 km þegar þeir komu í beygjuna og
bílstjórinn fullkomlega allsgáður.
Eftir að Gísli hafði bjargað félögum
sínum báðum sáu þeir að bílljós nálg-
aðist neðan úr Norðurárdal. Þarna
var á ferð Hreinn Þorvaldsson á
Volvobíl frá Vöruflutningum Bjarna
Haraldssonar á Sauðárkróki. Með
honum voru sem farþegar Jón Hjaltdal
Jóhannsson og Kjartan Haraldsson,
báðir bílstjórar á Sauðárkróki. Þegar
þeir komu að Norðurárbrúnni sáu þeir
í ljósbjarmanum bifreið á hvolfi utan
vegar við árbakkann hinum megin og
mann standa við bílflakið með logandi
blys í hendi og lýsa fram á ána. Er
bifreiðin var komin út á brúna kom á
móti þeim maður og baðaði út höndum.
Þeir þekktu að þetta var Mansi á Melstað
Volvobifreiðin sem kom á vettvang skömmu eftir slysið. Ökumaður var Hreinn Þorvaldsson.
Eigandi myndar: Bjarni Haraldsson.