Skagfirðingabók - 01.01.2016, Page 68

SKAGFIRÐINGABÓK
68
og áttu síst von á að sjá hann á þessum
stað. Og það sem meira var, maðurinn
var holdvotur og virtist varla með réttu
ráði. Hann hrópaði að slys hefði orðið og
var ljóslega í áfalli.
Jón Jóhannsson var 23. desember
1960 kvaddur til að bera vitni hjá
sakadómi Skagafjarðarsýslu. Samkvæmt
framburði hans fóru þeir úr vörubílnum
á brúnni til að athuga hvað gerst hafði.
Kom í ljós að jeppabifreiðin K-58 lá á
vinstri hlið á árbakkanum austan við
ána. Hafði hún sýnilega runnið út af veg-
inum og oltið. Við bifreiðina lá Halldór
Ólafsson hreyfingarlaus og hafði verið
breitt yfir hann en Gísli stóð þar hjá með
kveikjarann í hendi. Þegar aðkomumenn
höfðu sannfærst um að óhætt væri að
hreyfa og flytja Halldór, var hann færður
í vörubifreiðina og snúið með hann og
Hartmann niður í Fornahvamm. Jón
beið á meðan ásamt Gísla því að pláss
var takmarkað í bílnum og þótti ófært að
þrengja mjög að Halldóri þar sem hann
virtist mest slasaður. Var síðan hringt til
Hvammstanga eftir lækni og sjúkrabíl
en Hreinn fór síðan aftur upp dalinn
að slysstaðnum og sótti Gísla og Jón. Í
Fornahvammi fengu allir að borða en að
því búnu héldu bílstjórarnir þrír áfram
ferð sinni norður. Þeir stönsuðu við
bílflakið til að athuga nánar aðstæður.
Stikaði Jón hjólförin í kantinum og lét
síðar útbúa uppdrátt af slysstaðnum.
Um kvöldið kom Hörður Þorleifsson
læknir á Hvammstanga með sjúkrabíl og
sótti þremenningana. Heimamenn hafa
tjáð að á þessum tíma hafi eiginlegur
sjúkrabíll ekki verið til á Hvammstanga
en Hörður læknir átti þá tveggja drifa
International bíl sem hann gat notað
til sjúkraflutninga. Mun svo hafa verið
í þessu tilfelli en ekki kemur fram hvort
Hörður ók sjálfur eða hafði ökumann
en rakleiðis var haldið á sjúkrahúsið
á Hvammstanga. Bíllinn hafði ekki
Fornihvammur.
Ljósmyndasafn Vegagerðarinnar.