Skagfirðingabók - 01.01.2016, Side 70

SKAGFIRÐINGABÓK
70
en við vorum þarna í vikutíma eða svo.
Þorvaldur á Sleitustöðum kom síðan á
rútu og sótti okkur í blíðskaparveðri. Ég
gat setið í bílnum og allt í besta lagi. Við
hefðum sjálfsagt ekki fengið að fara svo
snemma nema vegna þess að jólin voru að
koma. Við fengum að fara heim fyrir jól.
Síðan var maður bara heima og reyndi
að jafna sig. Í þessu átti ég nokkuð lengi
en smám saman kom máttur í hendina.
Maður var alltaf að reyna og reyna að
gera eitthvað. Ég fór að vísu suður í mán-
aðartíma í sjúkraleikfimi. Æi, ég held það
hafi ekkert gagn verið að því. En ég fann
lengi til í bringunni og kannski hefur þetta
aldrei orðið jafngott.
Bíllinn K-58 varð aldrei ökufær eftir
þetta. Þakið var allt brotið ofan af,
grindin skekkt og viðgerð engan veginn
talin borga sig. Hjörtur Vilhjálmsson
bifreiðastjóri á Sauðárkróki sótti bíl-
flakið og kom með heim í Miklabæ. Þar
var mótorinn tekinn úr og nýttur, en
grind og hásingar bognar og ekkert með
þær að gera. Síðustu leifar þessa bíls voru
eyðilagðar nokkru eftir aldamótin 2000.
Heimildir
Við samningu þessa þáttar var fyrst og
fremst stuðst við þrjár heimildir. Í fyrsta lagi
vitnaleiðslur í Sakadómsbók Skagafjarðarsýslu,
mál nr. 43/1960. Viðtal höfundar við Gísla
Hólm Óskarsson haustið 2012, og viðtal við
Leif á Miklabæ í desember 2015.

Uppdráttur af vettvangi slyssins. Lagður fram í sakadómi Skagafjarðar í máli nr. 43/1960.