Skagfirðingabók - 01.01.2016, Page 103

DE MEZA HERSHÖFÐINGI OG ÍSLENDINGAR
103
falið Brynjólfi og Konráði að safna
saman skjölum, bréfum og bókum í
húsakynnum Jónasar. Konráð fékk leyfi
ættingjanna til að gefa út ljóð hans; með
bréfi frá Hallgrími Tómassyni systursyni
Jónasar, 1. október 1845. Brynjólfur og
Konráð fengu Benedikt Gröndal (1826–
1907), sem kom til Hafnar 1846, til
að skrifa upp öll kvæði Jónasar undir
prentun. Virðist prentun hafa verið lokið
um sumarmál 1847. Brynjólfur skrifar
9. júlí 1847 í bréfi til Gríms Thomsen:
„Komin eru út kvæði Bjarna amtmanns
og Jónasar Hallgrímssonar, hvorutveggi
vel vönduð í alla staði að útgáfunni til,
en einkum þó hin síðari, eins og þú
getur nærri, þegar þú heyrir, við Konráð
höfum þar verið einir um hituna.“ Þeir
voru báðir í útgáfunefnd kvæða Bjarna,
sem HÍB gaf út. Vegna versnandi heilsu
Finns þetta sumar tók Brynjólfur við
forsetastörfum Hafnardeildar.
Enda þótt þeir félagar væru ánægðir
með útgáfuna, leist þeim þunglega á
fjárhagshliðina. Brynjólfur og Konráð
gerðu þá Hafnardeildinni tilboð um
að kaupa upplagið af Ljóðmælum
Jónasar, 1.156 eintök, með tilteknum
skilyrðum, sem var samþykkt á fundi
26. apríl. Þegar þetta lá fyrir keypti
Brynjólfur hlut Konráðs. Hafnardeildin
sendi umboðsmönnum á Íslandi um
460 eintök af ljóðmælum Jónasar með
vorskipum 1847 og tæp 500 eintök af
kvæðum Bjarna. Það reyndist mikið lán,
því að aðfaranótt 25. sept. sama ár kom
upp eldur í húsi nr. 4 við Gammelstrand
þar sem bækur og skjöl Hafnardeildar
voru í geymslu, þ. á m. umrædd
nýprentuð kvæðasöfn. Af Jónasi brunnu
456 eintök, fleiri en af nokkurri annarri
bók, og 427 af Bjarna. Fyrir tilviljun
Jónas Hallgrímsson.
Mynd af netinu.
Titilsíða á eintaki de Meza af Ljóðmælum
Jónasar Hallgrímssonar ásamt áritun
Konráðs Gíslasonar. Bókin er í eigu Jóhanns
Lárusar Jónassonar læknis.
Ljósm.: Hjalti Pálsson.