Skagfirðingabók - 01.01.2016, Side 105

DE MEZA HERSHÖFÐINGI OG ÍSLENDINGAR
105
son, bóndi á Auðnum í Laxárdal, Þing-
eyjarsýslu, er sá maður, sem einna mest
hefur hjálpað mér við söfnun þjóð-
laganna“, skrifar séra Bjarni. (Íslensk
þjóðlög, bls. 581.) Fyrstu kynni þeirra
voru 18. mars 1898, meðan Benedikt
var hríðtepptur á Siglufirði. Á bls. 592,
undir prentuðum nótum við þennan
texta, segir séra Bjarni: „Þannig hefur
Benedikt heyrt lagið í Þingeyjarsýslu
ungur, einkum til síra Magnúsar sál.
[Jónssonar] á Grenjaðarstað, sem var
söngmaður góður og spilaði á flautu.
Aldrei hafði lag þetta verið almennt þar
um slóðir. Það er auðfundið útlent bragð
að þessu lagi, enda er það af útlendum
toga spunnið, þótt nokkuð sé það orðið
breytt. Af tilviljun einni get ég skýrt frá
því, hvert það á rót sína að rekja. Ég sá
einu sinni hjá Jóhannesi Jóhannessyni,
nú sýslumanni á Seyðisfirði, steinprent-
að blað með nótum; var þar á einradd-
að lag við þennan texta og Guitar
accompagnement með; hafði General
de Meza (spánskur maður í liði Dana,
f. 1792, d. 1865) búið lagið til fyrir
kunningja sinn Gísla sál. Brynjúlfsson,
eins og titilblaðið bar með sér. Á því stóð
(á ítölsku):
Romanza islandese
dedicata al Sig. Gísli Brynjulfsson
dal suo amico Christiano Giulio de Meza.
Parole dal Gion Hallgrimsson 1845.“
Nóturnar fylgdu, með texta fyrsta erind-
is, á bls. 593. Ekki hefur nótnablaðið
þurft langa leið að fara frá Gísla til
Jóhannesar (1866–1950). Faðir hans
var Jóhannes sýslumaður Guðmunds-
son frá Miklahóli í Viðvíkursveit, en
Maren móðir hans var dóttir Lárusar
Íslensk þjóðlög, bls. 592. Þannig heyrði Bene-
dikt lagið í Þingeyjarsýslu ungur.
Stefánssonar Thorarensen, sýslumanns
í Enni á Höfðaströnd. Guðrún Thorar-
ensen móðir Gísla var tvíburasystir
Lárusar. Hún hafði dvalið hjá bróður
sínum, ung ekkja með Gísla son sinn,
1831–1835; og í Dagbókinni 1848 sést
að Gísli er í bréfasambandi við Lárus,
nefnir hann ýmist móðurbróður eða
bróður.
Jóhannes nam lög í Kaupmannahöfn
eftir stúdentspróf 1886. Cand. juris 1891
og starfaði síðan í íslenska stjórnarráð-
inu í Höfn, en settur sýslumaður í
Íslensk þjóðlög, bls. 593. Romanza islandese,
lag de Meza, sem sr. Bjarni sá hjá Jóhannesi
Jóhannessyni.