Skagfirðingabók - 01.01.2016, Page 121

SIGLUFJARÐARSKARÐ OG STRÁKAVEGUR
121
fjárleysi vekur Fljótamenn til umhugs-
unar um möguleika á mjólkursölu
til að afla tekna, en þeim voru nær
allar dyr lokaðar í þeim málum. Vegir
um Lágheiði, Siglufjarðarskarð og til
Skagafjarðar lokuðust um veturnætur og
urðu ekki færir fyrr en komið var fram
á sumar enda mest af vegunum slóðir
einar. En helst sér Hannes til sólar með
því að líta til Skagafjarðar.
Hermann Jónsson bóndi á Ysta-
Mói ritar grein í Glóðafeyki, sem dag-
sett er 5. nóvember 1954, þar sem
hann fjallar um helstu viðfangsefni
framtíðarinnar í Fljótum og lítur málið
öðrum augum en Hannes. Hann kemst
svo að orði um mögulega sölu mjólkur
úr Fljótum: „Mjólkursala, þarf að geta
farið fram frá búum í Fljótum, en eins
og nú er háttað um samgöngur o.fl.
er það ekki hægt. Í mjólkursölumáli
Fljótamanna á aðalmarkmiðið að vera
bygging mjólkurhreinsunarstöðvar og
nýmjólkursala til Siglufjarðar, allt árið.“14
Mánudaginn 9. febrúar 1959 ritar
Hermann vegamálastjóra bréf þar
sem hann hvetur til skjótra aðgerða í
vegagerð milli Reykjarhóls á Bökkum
og Mósvíkur og vegur sá verði undir-
byggður á komandi sumri. Honum
svarar Snæbjörn Jónasson (1921–1999)
verkfræðingur með bréfi 10. mars 1959.
Í því kemur fram að fjárveiting til þessa
verkefnis nægi ekki til að ljúka því, en
hann bendir Hermanni á að stundum
hafi Ræktunarsamband Skagafjarðar lán-
að vélavinnu til vega, þegar menn hafi
viljað ná vissum áföngum.
Í Tímanum fimmtudaginn 5. maí
1960 er viðtal við Hannes Hannesson á
Melbreið. Þar segir hann um mögulega
mjólkursölu úr Fljótum: „Vegleysið inn
til Skagafjarðar stendur Fljótamönnum
mjög fyrir þrifum, því að um leið og
vegurinn yrði fullbúinn, tækju þeir að
flytja mjólk til Sauðárkróks, til þess
hugsa allir. Þykir okkur hart að vera
þannig útilokaðir frá sambandi við
meginhéraðið drjúgan hluta úr árinu.“15
Þegar hér er komið sögu virðist sem
Fljótamenn hafi verið nokkuð sammála
um að snúa sér til Skagafjarðar varðandi
sölu á mjólk. Líklega þótt ganga seint
með Siglufjarðarveg ytri, þ.e. Strákaveg.
Í fréttapistli í blaðinu Degi 23. mars
1963 má svo lesa þessa frétt úr Fljótum
norður: „Þetta er fyrsti veturinn, sem
héðan er mjólkursala úr sveitunum.
Flutningar hafa gengið greiðlega.“16
Mjólkursala úr Fljótum virðist því hafa
hafist sumarið 1962 með reglubundnum
flutningum upp á Sauðárkrók. Þar með
hafði orðið að veruleika draumur bænda
í Fljótum um að geta selt mjólk í samlag.
Ljóst er af þessu að Fljótamenn hafa um
Á Siglufjarðarskarði 19. júní 1948. Algeng
snjódýpt á veginum var 5 til 9 metrar.
Jón Víðis. Ljósmyndasafn Vegagerðarinnar.