Skagfirðingabók - 01.01.2016, Qupperneq 128

SKAGFIRÐINGABÓK
128
frá Máná og Kristján Hjálmarsson
(1915–1935) frá Engidal. Þeir fóru frá
Máná klukkan tíu mánudagsmorgun 4.
nóvember, komu að Hraunum í Fljótum
um hádegið og fóru þaðan klukkan tvö.
Litlu síðar brast á ægiveður af norðaustri
með krapahríð og varð veðurhæð svo
mikil um Úlfsdali og Almenninga að
menn mundu vart annað eins.
Þar sem þeir voru ókomnir heim
á þriðjudag var farið að leita. Um
klukkan þrjú á miðvikudag fannst
Haraldur látinn um hálfan kílómetra
frá bænum Máná. Um kvöldið kom Jón
Gunnlaugsson símamaður að Máná og
hafði þá fundið lík norðan í Kvígildis-
hólnum. Á fimmtudagsmorgun var það
sótt og reyndist vera af Kristjáni og þá
fannst Guðmundur látinn neðan til í
Arnbjarnarhálsi.
Talið er að Kristján hafi veikst á baka-
leið á Almenningum, félagar hans gengið
undir honum um stund en þeir þreyst
fljótt því snjór var mikill. Haraldur
hefur þá farið af stað eftir hjálp en
Guðmundur beðið hjá Kristjáni þar til
yfir lauk og reynt síðan að ná til bæja
en einum kílómetra norðar hneig hann
niður og dó. Guðmundur var sonur
Meyvants Meyvantssonar og Kristbjarg-
ar Jónsdóttur. Þau höfðu nokkrum árum
áður misst tvo syni og var Guðmundur
sá þriðji og síðasti.29 Lífsbaráttan hefur
löngum verið erfið á voru landi og ekki
síst út við ysta haf, þar sem veður verða
oft hörð. Mikið högg hefur þetta verið
fyrir svo litla sveit sem Úlfsdalir voru.
Á leið um Strákaveg gæti verið fróð-
legt að staldra við um stund, virða
fyrir sér þessa gömlu sveit og reyna að
setja sig í spor fólksins, sem þar háði
sína lífsbaráttu og varð oft að leggja
í erfiðar ferðir fótgangandi eða á sjó,
þegar nauðsyn krafði. Nú rennur bíllinn
ljúflega veginn.
Endurbygging vegar
um Fljót og Sléttuhlíð
STRÁKAVEGUR kallaði á uppbyggingu
vegar um Fljót og Sléttuhlíð að Keldum
en á þeirri leið var vegur gamall og víða
aðeins vegslóðar, sem urðu ófærir í fyrstu
snjóum. Það var því farið að veita fé í
Tafla á minnisvarðanum við Strákaveg á
bæjarstæðinu í Engidal, þar sem sjá má nöfn
þeirra er fórust.
Ljósm.: Hjalti Pálsson.