Skagfirðingabók - 01.01.2016, Page 148

SKAGFIRÐINGABÓK
148
Gísli mun hafa fengið vinnu hjá nafna
sínum enda varla annað hægt frá hans
hendi hafandi fengið slíka vísu.50
Skólafólk vann fyrir skólakostnaði
og kynntist um leið atvinnulífinu, sem
öllum er nauðsynlegt til að takast á við
verkefni lífsins. Jóhann Lúðvíksson bjó
búi sínu á Kúskerpi, fór heim um fríhelgar
og með honum Blöndhlíðingarnir Gísli
Víðir Björnsson, Valdimar Stefánsson
og Trausti Valdimarsson. Jóhann var
áhugasamur veiðimaður og stundaði
sjóinn ef því var við komið. Hann var
fyrst með tvo gúmmíbáta, eins manns og
tveggja manna, og síðar plastbát nálægt
vinnubúðunum. Þegar hann kom út
í Óslandshlíð á leið í vinnuna hægði
hann gjarnan ferðina, renndi rúðunni í
Land-Rovernum til hliðar, leit til sjávar
og mat sjóveðrið. Jóhann fékk oft með
sér á sjóinn ýtumenn, sem voru á frívakt,
en stundum nenntu þeir ekki að eyða
frívaktinni á sjónum og vildu heldur
sofa. Það skildi veiðimaðurinn Jóhann
illa og varð gramur og leiður ef hann
komst ekki á sjóinn.
Fyrir kom að menn gerðu sér glaða
nótt og skruppu á ball á Siglufirði og
voru orðnir nokkuð kunnugir skemmt-
analífinu þar þegar vinnu lauk í Stráka-
vegi. Nokkuð almenn þátttaka var
stundum í þessum ferðum en nokkrir
skárust úr leik og má þar nefna Trausta
Valdimarsson og Valdimar Stefánsson,
sem undu sér vel heima í skúrunum.
Sumar Siglufjarðarferðirnar urðu mönn-
um mjög eftirminnilegar. En það er saga,
sem ekki verður sögð hér.
Stundum bar það við að börn fylgdu
hjónum, sem unnu í sama vinnuflokki
hjá Vegagerðinni. Þannig varð lífið
heimilislegra. Hjónin Inga Guðrún
Sumarliðadóttir (f. 1943), sem vann við
matreiðslu með Ásbjörgu Jóhannsdóttur,
og Svavar Jónsson, höfðu með sér dóttur
sína, Björgu Ágústínu, sem fædd er 25.
desember 1961. Valdimar Stefánsson var
ljúfur drengur og barngóður. Hann var
einhleypur og eignaðist ekki afkomendur
en hafði yndi af börnum. Þau hændust að
honum og Björg litla varð augasteinninn
hans. Þessi litla stúlka var ljósgeisli í lífi
Valdimars í Strákavegi og minningin um
þeirra kynni yljuðu gamla manninum til
dánardægurs.
Jarðýtur og ýtumenn
við byggingu Strákavegar
JARÐÝTUR: Caterpillar D-7 E vél Viggós
Brynjólfssonar, International BTD-20
vél Steingríms Felixsonar, International
BTD-20 vél Björns Runólfssonar,
International BTD-8 vél Garðars Guð-
jónssonar, International BTD-8 vél
frá Ræktunarsambandi Skagafjarðar,
International TD-18 frá Vegagerðinni
og Caterpillar D-7 E vökvaskipt vél frá
Vegagerð ríkisins á Akureyri. Vera má að
fleiri ýtur hafi verið notaðar en um það
skortir heimildir.
Ýtumenn:
Á vél Viggós: Viggó Brynjólfsson, Svavar
Jónsson frá Molastöðum, Haukur
Hansen (1930–1971) flugvirki, Valdi-
mar Þórðarson (1920–1965), Ormar
Jónsson (f. 1941) frá Helgustöðum í
Fljótum og Matthías Jón Þorsteinsson
(1942–1999).
Á vél Steingríms: Steingrímur Felixson,
Bernharð Sturluson og Óskar Guð-
björnsson (f. 1936) á Stóru-Þverá.