Skagfirðingabók - 01.01.2016, Page 151

SIGLUFJARÐARSKARÐ OG STRÁKAVEGUR
151
okkar. Þar spiluðum við oft brids og
reyktum auðvitað. Gísli verkstjóri var
mjög áhugasamur bridsspilamaður svo
að það var ekki vandamálið. Það þurfti
ekki að dekstra hann til að taka spilatörn.
Oftast held ég að hafi orðið að klára
rúbertuna. Svo þegar við sprengdum þá
skýldum við okkur á bak við skúrinn.
Ætli við höfum ekki unnið frá kl. 7
til 7. Við gistum á Sauðanesi. Fórum
í hádegismat inn í vinnuskúrana við
Engidalsána og fengum þá með okkur
miðdegiskaffið.“52
Sendiferðir fyrir Stráka
OFT ÞURFTU menn að ná í ýmislegt
til Siglufjarðar. Styst var að fara fyrir
Stráka og fór Ragnar oft þá leið. Hann
sagði svo frá í viðtalinu við Hjalta:
„Maður var orðinn svo vanur að hanga
utan í klettunum með loftborinn að
öll lofthræðsla var horfin.“ „Þetta hafa
auðvitað verið brýn erindi“ spyr Hjalti.
„Já, já, það var ýmislegt sem þurfti að
útrétta. Já, og maður fékk lánaðan bíl
við gatið austan megin hjá mönnum,
sem voru að vinna þar við sprengingar,
til að fara inn á Siglufjörð og kaupa það
sem þurfti.
Ég fór þetta margsinnis, en það var
áreiðanlega mjög lítið um að aðrir færu
þessa leið. Ég held að Trausti á Sauðanesi
hafi farið með mér fyrstu ferðina til að
sýna mér leiðina. Maður þurfti að fara þó
nokkuð mikið upp þar sem Ófæruskál
er. Þar þurfti að fara yfir uppi í skálinni.
Hallinn var minni þar. Ætli það hafi
ekki verið einir 200 metrar upp sem
þurfti að fara. Þá voru 300 metrar niður
í sjó. Þarna var einskonar gata. Trausti
var búinn að fara þetta margsinnis. Mér
fannst þetta í góðu lagi að fara, enda
orðinn vanur við brattann. Ég fór þetta
líka í bleytu og rigningu en það var vont.
Það var auðvitað vitleysa að gera það
en þá var maður með stiku með sér og
pikkaði stundum með henni til að fá
betri fótfestu.“53
Banaslys í Strákavegi
FÖSTUDAGINN 18. júní 1965 lést
Valdimar Þórðarson ýtumaður úr kol-
sýringseitrun í vinnuskúr við Strákaveg.
Hann var fæddur 14. apríl 1920 á
Borg við Borgarfjörð inn af Arnarfirði í
Vestara gangaopið og hluti af klettunum, sem
um er fjallað.
Ljósm.: Stefán Pedersen.