Skagfirðingabók - 01.01.2016, Side 153

SIGLUFJARÐARSKARÐ OG STRÁKAVEGUR
153
um kostnað við vegagerð niður við sjó í
Mánárskriðum á Siglufjarðarvegi.“ Ekki
gekk málið hratt fyrir sig því það var
ekki fyrr en sumarið 1977 að undirbún-
ingur hófst að þessari vegagerð. Þá voru
teknar loftmyndir, gert kort af svæðinu
um veturinn og vegstæðið ákveðið. Til-
raunavegur var gerður sumarið 1978 í
65 til 70 metra hæð yfir sjó, nær láréttur,
tveggja kílómetra langur. Tilgangurinn
með þessari vegagerð var að átta sig á
snjóalögum og skriðuföllum á þessari
leið.
Verktaki og verkstjóri var Viggó
Brynjólfsson en á ýtunni hans, sem var
Caterpillar D-7 F, er hann keypti nýja
1970, unnu tengdasonur hans, Magnús
B. Jónsson (f. 1952) frá Skagaströnd
og Sigurður Ingimarsson (f. 1945) frá
Hróarsstöðum í Skagabyggð. Guðbjörg
Bryndís Viggósdóttir (f. 1954) sá um
matseld en vistarverur voru einn vega-
vinnuskúr og hjólhýsi.
Sumarið 1981 var svo unnið við að
leggja nýjan veg þar sem tilraunavegur-
inn hafði verið gerður. Mikið var um
klappir í vegstæðinu og seinkaði það
framkvæmdum. Sumarið 1982 var þessi
nýi vegur tengdur inn á Strákaveginn
ofan við Máná. Ekki var hægt að opna
veginn þá um haustið fyrir almennri
umferð en hann var farinn um veturinn,
þegar sá gamli var ófær. Lokið var við
veginn sumarið 1984 og hann tekinn í
notkun.
Haustið 1986 var vegurinn lækkaður
um fjóra metra á þrjú hundruð metra
kafla og breikkaður. Vegkaflinn allur er
í 70 metra hæð yfir sjó og um tveir og
hálfur kílómetri að lengd. Umferð var
beint um gamla veginn meðan á þessum
framkvæmdum stóð.55
Nokkur orð um
jarðfræðirannsóknir seinni tíma
FLJÓTLEGA eftir að Strákavegur var
tekinn í notkun fór að bera á því að
vegurinn seig í átt til sjávar. Sig þessi
eru á Almenningum frá Hraunum
Unnið við breikkun veg-
arins um Mánárskriður
6. nóvember 1986.
Ljósmyndasafn Vegagerðarinnar.