Skagfirðingabók - 01.01.2016, Qupperneq 154

SKAGFIRÐINGABÓK
154
og út að Skriðnavík. Það ysta nefnist
Tjarnardalaberghlaup, síðan kemur
Þúfnavallaberghlaup og syðst er Hrauna-
berghlaup. Tjarnardalaberghlaupið er
milli Skriðnavíkur og fjallsins Kvígildis.
Þar hefur hreyfing jarðlaga reynst mest og
í jarðfræðiskýrslu sem nefnist Kortlagning
á sigi á Siglufjarðarvegi um Almenninga,
er þetta t.d. að finna á bls. 41: „Framtíð
núverandi vegstæðis Siglufjarðarvegar
um norðanvert Tjarnardalaberghlaupið
er ekki sérstaklega björt. Vegurinn liggur
þar alveg á brún sjávarbakkanna sem
þarna eru 70–80 m háir.“ Og neðar á
sömu síðu segir: „Hreyfingar á öðrum
svæðum Siglufjarðarvegar eru mun
hættuminni og hafa ekki eins mikil
áhrif á veginn og vegstæðið.“ Og þá eru
þessar setningar á bls. 32 í skýrslunni: „Í
nóvember 1976 er greint frá töluverðu
jarðsigi á stórum kafla við Kóngsnef
og að vegurinn hafi orðið varasamur af
þeim sökum. Þó svo að áður hafi orðið
vart við sig á þessum kafla er talið að
það hafi aldrei verið jafn mikið. Þess
er getið að Vegagerðin hafi þó oft áður
þurft að lagfæra veginn vegna sigs og
oftast sé sigið jafnt og þétt, en stundum
verði það skyndilega og þá jafnan í
mikilli rigningartíð eða við leysingar.“
Jarðfræðirannsóknir þessar voru gerðar á
árunum frá 2003 til 2005.56
Vötn eru uppi á Tjarnardölum, sem
vatn sígur að líkindum úr og ekki er
ólíklegt að umferð þungra bíla, sem
var að aukast á þessum árum, hafi hér
nokkuð að segja. Vegurinn sígur enn og
má gjarnan velta því fyrir sér hvort ekki
hefði verið heppilegra að leggja veginn
frá Hóli gegnum fjallið til Illugastaða
eins og skoðað var árið 1955 en horfið
frá vegna kostnaðar.
Stefán Þorláksson á Gautlandi stendur hér í
jarðsigi á Strákavegi 14. febrúar 1983.
Ljósmyndasafn Vegagerðarinnar.
Annað jarðsig á svipuðum stað á Strákavegi.
Ljósmyndasafn Vegagerðarinnar.
Snjór við Strákagöng Fljótamegin.
Ljósmyndasafn Vegagerðarinnar.