Skagfirðingabók - 01.01.2016, Qupperneq 160

SKAGFIRÐINGABÓK
160
Vinna hefst við Strákagöng
Í ALÞÝÐUBLAÐINU 1. ágúst 1965 er grein,
sem nefnist Framkvæmdir að hefjast við
Strákagöng. Þar kemur fram að verið sé
að reisa vinnuskála, leggja rafstreng að
göngunum og flytja tæki á vinnustað.
Verði hægt að koma síðustu tækjunum
norður til Siglufjarðar í vikunni megi
gera ráð fyrir að hægt verði að byrja að
sprengja um næstu helgi. Þá segir að um
25 manns muni vinna við verkið og eigi
því að vera lokið 1. október 1966.61
Lengri tími fór í sprengingar heldur
en reiknað var með, þar sem bergið
var lakara en ætlað var. Víða varð að
styrkja göngin með stálbogum meðan á
sprengingum stóð og síðan að fóðra með
steinsteypu, alls 150 metra. Þetta tafði
verkið og jók kostnað og það reyndist
erfitt og hættulegt sökum þess hve bergið
var víða feyskið. Þá var nokkur vatnsagi
í göngunum, sem olli því að vegurinn
var steyptur en ekki malborinn eins og
ætlað var. Um steypuna sáu Þorvaldur
Guðjónsson (1904–1999) brúarsmiður
og Jóhann Lúðvíksson verkstjóri.
Bróðurlegur hrekkur
VINNAN í göngunum var erfið og heldur
leiðinleg. Menn reyndu því stundum að
gera sér eitthvað til gamans til að lífga
upp á tilveruna. Mönnum var stundum
leyft að aka göngin á meðan verið var að
vinna við þau. Einn af þeim var Stefán
Þorláksson (f. 1923) á Gautlandi, sem
fékk að fara gegnum göngin á vörubíl
sínum. Slóðin var að sjálfsögðu óslétt og
varð að aka með hægð. Þá voru menn að
vinna inni í göngunum. Stefán stansaði
hjá þeim og fór að skrafla við þá. Var
einn þeirra Guðmundur Óli (1928–
1977) bróðir hans. Þegar Stefán ók aftur
af stað kastaði Guðmundur steini upp á
pallinn hjá honum og glumdi við hátt.
Það var ekkert með það, Stefán greip
mikill skelkur, gaf í og fór í loftköstum
þangað til hann komst út og þóttist úr
stórum háska sloppið hafa.
Slysið
UM KVÖLDMATARLEYTIÐ laugardaginn
24. september 1966 varð alvarlegt slys
í göngunum. Steinn lenti á höfði Árna
Theódórs Árnasonar, sem hlaut mjög
slæmt höfuðhögg. Hann var fluttur með
Borað í Strákagöngum.
Ljósmyndasafn Vegagerðarinnar.
Unnið við að styrkja göngin.
Ljósmyndasafn Vegagerðarinnar.