Skagfirðingabók - 01.01.2016, Qupperneq 193

MINNINGARTAFLA GÍSLA JÓNSSONAR Í HÓLADÓMKIRKJU
193
(Skagfirzkar æviskrár 1890–1910
I, 52–55). Seinni maður Helgu var
Sveinn Sveinsson (1809–1873) í
Efra-Haganesi í Fljótum. (Skagfirzkar
æviskrár 1850–1890 I, 66 og 255–
256). Af börnum þeirra komust þrjú
upp, en ættir eru aðeins komnar frá
Guðlaugu Helgu Sveinsdóttur, sem
giftist Jóni Antonssyni í Arnarnesi
við Eyjafjörð. Meðal barna þeirra var
Kristín Jónsdóttir listmálari, kona
Valtýs Stefánssonar ritstjóra.
Guðríður Gísladóttir (1798–1843) kona
séra Brynjólfs Bjarnasonar (1785–
1850) í Miklaholti á Snæfellsnesi.
Hann var sonur síra Bjarna Jónssonar
á Mælifelli. Þau Brynjólfur áttu tvö
börn. (Páll Eggert Ólason: Íslenzkar
æviskrár I, 273).
Guðbjörg Gísladóttir (1808–1842)
fyrsta kona Árna Gíslasonar
(~1804–1879) á Bakka í Vallhólmi.
Guðbjörg var ráðvönd kona og vel
að sér. Hún drukknaði á Vallavaði
á Héraðsvötnum 7. ágúst 1842. Af
sjö börnum þeirra komust fjögur til
fullorðinsára. (Skagfirzkar æviskrár
1850–1890 VI, 5–8).
Guðrún Gísladóttir (1809–1886)
kona Lofts Jónssonar (1814–1881)
í Syðstabæ í Hrísey, síðar í Grenivík
og á Sauðanesi á Upsaströnd. Loftur
var sjómaður frá æsku og var meðal
brautryðjenda í hákarlaútgerð í Eyja-
firði. Guðrún var vel menntuð og
hafði framast í Kaupmannahöfn á
unga aldri, 1827–1832. Voru þau
Loftur mikil virðingarhjón með
nokkru heldri manna sniði. Af sex
börnum þeirra komust fimm til
fullorðinsára. Meðal barna þeirra
voru Jón Gísli Loftsson, annálaður
skipstjóri og kennari í stýrimanna-
fræðum,7 og Svanhildur Guðrún
Loftsdóttir, móðir Ólafs Daníelssonar
stærðfræðings. (Stefán Aðalsteinsson:
Svarfdælingar II, 415–416).
Kristín Gísladóttir (1809–1866), kona
Guðmundar Einarssonar (1803–
1862) á Nautabúi í Hjaltadal og
víðar. Kristín var fríð kona og greind
og prýðisvel að sér. Hún ólst fyrst upp
hjá foreldrum sínum á Hólum, en
1817–1830 hjá Margréti systur sinni
í Neðra-Ási. Hún var vinnukona
hjá Lárusi Thorarensen sýslumanni
í Enni 1830–1835, en gerðist þá
bústýra Guðmundar Einarssonar.
Þau eignuðust 6 börn, en aðeins tvö
komust til fullorðinsára. (Skagfirzkar
æviskrár 1850–1890 VI, 64–65).
Seinni maður Margrétar var Guðbrandur
Stefánsson (1786–1851) sem kallaði sig
oft Guðbrand Stephensen. Hann var
verslunarstjóri í Hofsósi 1833–1835
og í Grafarósi til 1836, reisti þar síðan
smiðju og lifði af smíðum sínum. Fyrri
kona hans var Ástríður Guðmundsdóttir
(f. 1798), systir Helga G. Thordersens
síðar biskups; hún dó 1835 og var
grafin í Hólakirkjugarði. Guðbrandur
og Margrét hófu sambúð í Neðra-Ási
1838, en vegna veikinda hennar giftust
þau ekki fyrr en 4. nóvember 1841.
Hún dó 18. júlí 1843. Guðbrandur
undi lítt í Neðra-Ási eftir lát konu
7 Jón Gísli var með sjómannaskóla í Efra-Haganesi í Fljótum 1870–1872, en hélt áfram einhverri kennslu þar
til 1876. Grein um Jón er í Súlum 46, 2007, 72–106.