Tímarit Máls og menningar - 01.03.2017, Síða 21

M é r þ y k i r m j ö g g a m a n a ð v e r a b a r n
TMM 2017 · 1 21
Hvort þykir þér skemmtilegra að elska eða vera elskaður?
Að elska held ég sé frumskilyrði þess að vera elskaður.
Ég ætla ekki að spyrja þig um áhrifavalda en áttu bók/bækur sem þú grípur
í, sem þú tækir með á eyðieyju?
Já, það veltur á eyðieyjunni. Yrði bókasafn á eyðieyjunni?
Nei.
Sko, ég myndi helst vilja loka mig af og hugsa þann lista og senda þér. Ég er
ekki endilega þannig að ég endurlesi allt sem ég hef lesið en bækur sem hafa
haft virkilega áhrif á mig – en það eru þó oftar höfundar en einstakar bækur
þeirra – eru Infinite Jest eftir David Foster Wallace sem er 1200 síður, þannig
að það er ágætt að hafa hana á eyðieyju og nýlega las ég aftur Önnu Kareninu
eftir Tolstoy í Síberíuhraðlestinni. Það er besta skáldsaga sem ég hef lesið.
Tolstoy er eiginlega minn uppáhaldshöfundur. Einhver sagði að ef lífið gæti
skrifað myndi það skrifa einsog Tolstoy. Hann er svo hreinn. Fyrst las ég
hana á ensku en núna las ég hana á íslensku. Fyrstu tvö bindin eru þýdd af
Magnúsi Ásgeirssyni og tvö seinni af Karli Ísfeld – og þetta er frábær þýðing
sem kom út 1941–1944 hjá Menningarsjóði og ég skil ekki afhverju hún hefur
ekki verið endurútgefin. Þetta er besti texti sem við eigum.
Ég las þriðja bindið í Síberíuhraðlestinni og þá kom ég um miðja nótt að
síðum sem höfðu ekki verið skornar upp. Ég var með vasaljós og með svona
magaveski utan á mér, þreif upp kreditkortið og það er besta notkun á kredit-
korti sem ég veit um. Þannig að ég myndi taka Tolstoy með mér á eyðieyju.