Tímarit Máls og menningar - 01.03.2017, Síða 23

M é r þ y k i r m j ö g g a m a n a ð v e r a b a r n
TMM 2017 · 1 23
***
Og hvert er uppáhaldsorðið þitt?
Þetta eru svo stórar spurningar! Sko. Orð hafa lit, ólíka liti og ég miða
við liti þeirra þegar ég raða þeim saman – út verður að koma rétti liturinn.
Það táknar ekkert að hafa svona litapalletu í huganum og þetta er alls ekki
snilldarlegur hæfileiki sem gerir mér gott, þetta er bara svona. Þegar ég vel
persónum nöfn þá skiptir liturinn miklu máli og mótar hvernig persónan
hegðar sér í sögunni; sama gildir um orð og mannfólk: ef þau eru einangruð
þá missa þau merkinguna. Ég er því hikandi gagnvart því að velja eitt orð.
Stakur litur getur verið frábær en það er samhengið sem skiptir máli. Þegar
ég var yngri þá truflaði mig svo oft að ég átti mér ekkert uppáhaldsneitt. Ég
hef aldrei átt mér uppáhaldsneitt og því síður orð.
Og hvað gerir þig glaðan og hvað gerir þig dapran?
Gleði: Að fá að vera maður sjálfur, vinir, fjölskylda og samherjar almennt
– fólk sem er með manni í liði og spilar í sömu deildinni, já og svo er það
hlýja tilfinningin einsog þegar maður finnur að maður flútti við veröldina og
sé að gera það sem maður á að vera gera.
Það sem gerir mann dapran aftur á móti er að fá ekki að komast á hlýja