Studia Islandica - 01.06.1941, Qupperneq 23

21
Þá dvaldist Bjarni Jónsson rektor (f 1868) oft í París
á sumrum. „Kölluðu Frakkar hann Göngu-Hrólf og sigur-
vegara sinn — eins og skáldið Björnstjerne segir, að þeir
hafi kallað Alexander Kielland, er mjög minnti á Bjarna,
en var þó svipminni og þýðari sýnum“, segir Matthías
Jochumsson.1) Bjarni var snjall frönskumaður og sneri
m. a. lofkvæði Gröndals um Napoleon prins á frönsku,
eins og síðar verður minnzt á.
Eiríkur Magnússon, bókavörður í Cambridge (1883—
1913) fór til Frakklands 1864 ásamt vini sínum Englend-
ingnum G. E. J. Powell, er komið hafði til Islands nokk-
uru áður. Höfðu þeir félagar ýmsar ráðagerðir með hönd-
um, m. a. að gefa út íslenzka orðabók með enskum þýð-
ingum, er væri samsteypa úr Lexicon poeticum Svein-
bjarnar Egilssonar og orðabók Eiríks Jónssonar um forn-
málið, er kom út 1863. Voru þeir um hríð í París, en héldu
síðan til Thiers í Auvei'gne og var ætlun þeirra að vinna
að orðabókinni þar, en þeir hurfu brátt frá þessu áformi.
Eru til bréf frá Eiríki til Jóns Sigurðssonar forseta frá
þessu ári, og lýsir hann lífinu í París og einkum í Thiers
og fer mörgum orðum um sóðaskap Frakka. Frá Thiers
er einnig ritað merkilegt bréf um háskóla á íslandi, og
eru í því hugleiðingar Eiríks um háskólastofnun (til Jóns
Sigurðssonar 3. júní 1864 í Thiers).2) Eiríkur dvaldist
öðru sinni í París 1865—1866 og hefir hann ritað ýmis
bréf þaðan, m. a. til Jóns Sigurðssonar, og hafa nokk-
ur brot af þessum bréfum verið birt.3) Segir Eiríkur
margt frá veru sinni og lífinu í París, stjórnmálum, list-
um og mannlífinu og væri efni í heila bók.4 5) Þar ritaði
hann ádeilugrein um kaþólska kirkju í bréfsformi/’) En
1) Sögukaflar af sjálfum mér. Reykjavík 1922, bls. 150.
2) Sjá rit Stefáns Einarssonar: Saga Eiríks Magnússonar.
Reykjavík 1938, bls. 32 o. áfr.
3) Andvari 1920, bls. 124—127.
4) Sbr. rit Stefáns Einarssonar, bls. 57 o. áfr.
5) Bréf frá París, samin og útgefin af E. Magnússyni. I. Hvað
segir sagan um páfadóminn? 1. bréf. Reykjavík 1865,.