Studia Islandica - 01.06.1941, Side 27

25
hafði passa upp á vasann frá Kristjáni 4. Danakonungi,
að hann mætti veiða við ísland.1) Var nokkur rekistefna
út af þessu og komust nokkurir Frakkanna inn að Ögri
við ísafjarðardjúp og að Arnardal og skyldi þar ráðstefna
haldin. En síðan fóru nokkurir Frakkanna til Bessastaða
og tóku þátt í vörn gegn Tyrkjaræningjum. Síðar fékk
Dominigo aftur skip sitt og góss. Skarðsárannáll minnist
á þenna 'atburð og segir, að þeir hafi verið 16 Frakk-
arnir, er á land komust.2)
Síðar á öldinni eða 1663 kemur út í París ómerkilegt,
en alllangt rit eftir Isaac de la Peyrére (1594—1676): Re-
lation de l’Islande, og getur Þorv. Thoroddsen þess í Land-
fræðissögu sinni,3) en af því má fá nokkura hugmynd um
ferðir Frakka til íslands. Var de la Peyrére fræðimaður
og var með sendiherra Frakka í Kaupmannahöfn og studd-
ist í bók sinni við rit Arngríms lærða.4) Árið 1751 birti
Niels Horrebou rit sitt: Relation og Betaenkning om Is-
lands Oeconomie og nuværende Tilstand etc.5) Minnist
hann í þessu riti á Frakka, Englendinga og Hollendinga,
er sendi 3—400 skip árlega til íslands. Getur hann þess
og, að íslenzkir fálkar séu gefnir Frakkakonungum og
þóttu slíkar gjafir góðar, því að erfitt var að ná þessari
sjaldgæfu fálkategund.6)
1767 kemur franskt herskip til Islands undir forystu
Kerguelen de Tremarec, er birti síðar rit um för sína:
Relation d’un voyage dans la mer du Nord. Paris 1771.7)
4 árum síðar eða 1771 kemur annað franskt herskip til
1) Æfisaga Jóns Ólafssonai* Indíafara. Kaupmannahöfn 1908—9,
bls. 391 o. áfr.
2) Annálar I, 229.
3) Landfræðissaga Islands II, 209 o. áfr.
4) Sbr. Páll E. Ólason: Menn og menntir IV, 170—171.
5) Landfræðiss. II, 245 o. áfr.
6) Sbr. Björn Þórðarson: The Icelandic falcon í The Review of
Reviews (London) 1924, Vol. LXX, nr. 415 (kom áður út á ísl. í
Iðunni).
7) Landfræðiss. III, 93—95. __