Studia Islandica - 01.06.1941, Side 68

66
arasagna, er Hákon konungur gamli lét snúa á norrænu
úr frakkneskum kvæðum. Þá eru til rímur af Amíkus og
Amilíus (gefnar út af Kölbing í Altengl. Bibliothek, II. b.,
1884). Einkum hafa þó margar rímur verið ortar út af
Karlamagnússögu. Meðal þeirra eru Landrésrímur (eftir
2. þætti Karlamagnússögu), Geiplur (um Jórsalaferð
Karlamagnúss, eftir 7. þætti sögunnar), Rollantsrímur af
Ferakutsbardaga, um viðureign Rollants við risann Fera-
kut (eftir þeim kafla Agulandusþáttar Karlamagnússögu,
er segir frá einvígi Rollants við Ferakut risa, ortar nál.
1500), og Rollantsrímur af Rúnsívalsþætti eftir Þórð
Magnússon á Strjúgi.1) Eftir Þórð á Strjúgi er og Fjósa-
ríma, en í henni eru taldir 15 kappar úr Karlamagnús-
sögu, en erindi úr þeirri rímu um Þórð hreðu og Karla-
magnús hafa verið húsgangar á íslandi fram á vora daga.
Af öðrum rímum má nefna rímur af Mábil sterku frá 16.
öld, en Mábil sterka er dóttir Rúdents konungs í Vallandi
og bar. af öllum karlmönnum í riddaraskap (sbr. Mábilar-
sögu frá 17. eða 18. öld, hr. 1502, 8vo í Lbs.).
Áður hefir verið minnzt á Jón Halldórsson, biskup í
Skálholti, er stundað hafði nám í París og Bologna. Við
nafn hans er tengdur verulegur hluti þeirra ævintýra 14.
aldar,er ganga undir nafninu íslenzk æfintýri og H.Gering
hefir gefið út (I—II, Halle 1882—1883). Ævintýri þessi
eru sumpart trúarlegs eðlis, sumpart um einstaka menn.
I ævintýrum þessum er m. a. sagt frá Karlamagnúsi (XI,
43): — „gaf himnamjpl vini sínum í Sendenis (= Saint
Denis), ok hyggja margir þat vera til komit af því manna,
er Drottinn gaf Israelitis“. Avranches í Normandí heitir
þar Abrincate (í æfintýri af Lanfranco, XCV), Orleans
er nefnt þar Orliensborg (í æfintýri af Silvestro páfa,
XIV), Paris er kölluð Párisarborg, Páris og Paris o. s. frv.
Þá ber að nefna ýmsar lygisögur þær, er kunnar eru frá
1) Þessum rímum er öllum lýst í riti eftir Björn K. Þórólfsson:
Rímur fyrir 1600. Kaupmannahöfn 1934 (= Safn Fræðafél. IX).