Studia Islandica - 01.06.1941, Qupperneq 76

74
Rollantsrímur Þórðar á Strjúgi, er var einn nafnkunn-
astur og vinsælastur með alþýðu manna af skáldum á
16. öld, eru, eins og áður er sagt, ortar af Runzivalsþætti
í Karlamagnússögu og voru mjög kunnar og eru til í
fjölda uppskrifta í handritum,1) enda var yrkisefni þetta
mjög vinsælt og margnotað í frönskum bókmenntum og
hjá öðrum þjóðum, og var því eðlilegt, að Grímur veldi
sér þetta yrkisefni.
Annað kvæði Gríms nefnist: Þjóðvaldur (Theobald)
Frakkakóngur við Benevent, og er um það, að hilmir
Frakka hafi hótað að gelda hvern þann, er hann næði af
þeim, sem vörðu borgina Benevent, en að konurnar í
borginni, er þær fréttu þetta, hafi sent „stillta tvo og
mælska sprakka“ á fund konungs og beðið hann ásjár.2)
Grímur hefir aðeins þýtt eitt franskt kvæði á íslenzku
(Psyche verður gyðja eftir Lafontaine).3)
Gísli Brynjólfsson háskólakennari í Kaupmannahöfn
(1827—1888) var fjölfróður maður og orti á ensku, þýzku
og dönsku, auk móðurmálsins. Hann hefir einnig ort nokk-
urar gamanvísur á frönsku, sem hafa ekki verið prentað-
ar,4) og samið rit á frönsku um ferðir hinna fornu Norð-
urlandabúa til norðurhjarans: Jusqu’ou les anciens Scan-
dinaves ont-ils pénetré vers le pöle arctique dans leurs
expéditions á la mer glaciale? Copenhague 1884. Gísli yrk-
ir um Parísarfriðinn 1856, er Frakkar og Englendingar
sættust við Rússa eftir Krímstríðið, undir dróttkveðnum
1) Um Þórð á Strjúgi sjá Páll E. Ólason: Menn og menntir IV,
bls. 578 o. áfr.
2) Gr. Thomsen hefir ort 3 kvæði á dönsku um Napoleon: 1. Cor-
sica 1840, 2. Nativitet 1840, 3. Napoleon paa Simplon 1841. Kvæði
þessi eru í hr. í Konungsbókhlöðu í Kaupmannahöfn (Ny kg'l. Saml.
4to 3315) og hafa verið birt af Chr. Westergárd-Nielsen í Islandsk
Aarbog, Köbenhavn 1936, 86—90.
3) Gr. Thomsen hefir ritað: Orustan við Waterloo. Tímar. Bók-
menntafél. 8, 266 o. áfr.
4) Sjá formála að Ljóðmælum Gísla Brynjólfssonar. Kaupmanna-
Köfn 1891.