Milli mála - 2020, Page 24

24 Milli mála 12/2020
ÆVINTÝRAEYJURNAR JAPAN OG ÍSLAND: UM JAPANSDVÖL NONNA, 1937–1938

10.33112/millimala.12.1
jesúítar sem komnir eru á efri ár búa enn í húsinu en byggingin þykir
ótraust og til stendur að rífa hana á næstu árum.29 Í skrifum Jóns
kemur fram að hann bjó í herberginu þar sem fyrrverandi forseti há-
skólans bjó áður og Jón kunni vel að meta þann heiður sem honum
var sýndur.
Þótt Sophia sé nú virtur og þekktur háskóli átti hann erfitt upp-
dráttar í fyrstu. Eins og áður sagði hafði kristni lengi verið bönnuð
og mætti nokkurri tortryggni en auk þess áttu jesúítarnir víða í vök
að verjast sem veikti fjárhagsstöðu reglunnar. Á hinn bóginn nutu
jesúítar nokkurrar sérstöðu meðal kristinna trúfélaga í Japan þar sem
fyrsti trúboðinn sem kom til Japans, hinn þekkti Francis Xavier, sem
kom til Japans árið 1549, tilheyrði einmitt Jesúítareglunni.30 Xavier
hafði lýst yfir áhuga sínum á því að stofna háskóla í Japan og árið
1906 gaf Píus páfi tíundi tilmæli um að stofnuð skyldi æðri mennta-
stofnun jesúíta í Japan. Sophia-skólinn var settur á laggirnar árið
1911 og tveimur árum síðar fékk hann starfsleyfi sem háskóli með
þrjár deildir fyrir heimspeki, þýskar bókmenntir og viðskipti.31 Há-
skólinn heyrði undir hið þýska umdæmi Jesúítareglunnar og þýska
var notuð sem fyrsta mál við háskólann. Jesúítarnir fundu fyrir áhuga
Japana á m.a. þýskri heimspeki og siðfræði og þegar háskólinn var
opnaður reyndist einnig mikill áhugi á námi við hina nýju viðskipta-
deild.32
Fyrri heimsstyrjöldin (1914–1918) reyndist mikil áskorun fyrir há-
skólann. Japanir börðust gegn Þýskalandi í stríðinu; nánast ómögu-
legt reyndist að manna stöður við háskólann vegna ferðatakmarkana
og fjárhagsstaðan í Þýskalandi var slík að trúbræður þeirra í þýsku
höfuðstöðvunum voru engan veginn aflögufærir.33 Ekki tók betra við
nokkrum árum síðar þegar nýlega vígðar skólabyggingar háskólans,
sem og aðrar eignir, stórskemmdust í Tókýó-jarðskjálftanum mikla
árið 1923. Um svipað leyti geysaði óðaverðbólga í Þýskalandi og því
engrar aðstoðar að vænta þaðan.34 Um 1930 hafði tekist að reisa nýja
skólabyggingu og vorið 1932 var opnuð ný deild sem sérhæfði sig í
29 Viðtal við fulltrúa jesúíta við Sophia, 2018 og 2019.
30 „Xavier and Sophia University, No. 37“, bls. 1.
31 „History of Sophia University“.
32 Geppert, Theodor, The Early Years of Sophia University, bls. 12 og 67.
33 Sama heimild, bls. 70–74.
34 „History of Sophia University“.