Milli mála - 2020, Side 283

Milli mála 12/2020 283

10.33112/millimala.12.13
Delfina Acosta
Amalía leitar unnusta1
Ég ætlast ekki til þess að hann elski mig með sama hætti og þegar ég var tvítug. En ég hef enn ekki gefið upp alla von um að kynn-
ast ástríkum manni, þótt ég sé komin á sjötugsaldur. Manni sem
hlustar á mig spila á píanóið og klappar innilega fyrir flutningi
mínum á Mozart. Manni sem eftirsóknarvert væri að fara með í
göngutúr um breiðstræti álmviðanna; deila með ferskri angan síð-
degisins, sem nær hámarki um sexleytið, eða gera með áætlun um að
eyða helginni á La alameda hótelinu.
Ég myndi velja mér baðföt í sinnepsgulum lit til að hvíla með
honum í sandinum. Við myndum spjalla um hvað sem væri, hluti
eins og lífið og dauðann, sannleika og lygar. Við myndum kaupa
hálsfestar sem frumbyggjarnir búa til úr fræjum grænu ávaxtanna.
Við myndum óttast að ungu sundmennirnir þekktu okkur, þrátt
fyrir gleraugun og förðunina. Það er nefnilega ekki ómerkilegt að
hafa skrifað rúmlega tuttugu ástarsögur, vera jafn fræg og Corín Tel-
lado,2 og vera með þrítugan ástmann upp á arminn. Aðdáendur falast
stundum enn eftir eiginhandaráritunum.
Við myndum fá okkur sæti á einum af hinum fjölmörgu svölum
hótelsins og njóta sólarlagsins. Óviðjafnanlegs sólseturs sem stenst þó
ekki samanburð við sjónarspil hafsins í sjónaukanum. Öldur sem rísa,
hníga og skella svo á klettunum. Hafið sem sýnir mátt sinn og megin
og verður táknmynd hjartsláttarins sem aldrei stöðvast, hjartans sem
rís og fellur, þar til það nær hæð svölunnar sem klýfur vindinn.
1 Sagan ber yfirskriftina „Amalia busca novio“ á frummálinu. Hér fengin úr safnritinu Penélope sale
de Itaca: antología de cuentistas paraguayas. Ritstj. María del Carmen Pompa Quiróz. Universidad
Nacional de Asunción: Asunción, Paragvæ, 2005.
2 Corín Tellado (1927–2009) var spænskur rithöfundur. Eftir hana liggja rúmlega 4000 ástarsögur
sem selst hafa í yfir 400 milljónum eintaka á Spáni og í löndum Rómönsku-Ameríku. Erótískar
skáldsögur sínar gaf hún út undir skáldanafninu Ada Miller.