Múlaþing: byggðasögurit Austurlands - 01.01.2012, Síða 84

Múlaþing
Hvar áttustþeir við?
Það var í veislu í Njarðvík er þeir bræður
Helgi3 og Gísli4 Jónssynir giftu sig. Þar var
margt boðsmanna. Veislan var um vorið, í
júnímánuði og var pantaður brennivínskútur
til hennar af Seyðisfirði með skútu, sem þá
var farin að ganga í stað róðrarbátaferðanna,
en þegar við fórum norður var svo slæmt í
sjó, að ekki var viðlit að komast út í skútuna
sem lá úti á firðinum.
Er lengi í minnum haft hve dauft var yfír
öllu veislufólkinu, er komið var úr kirkjunni og
var það kennt vínleysinu, sem þótti ómissandi
á hverjum mannfagnaði í þá daga. Gekk það
svo langt að brúðgumamir báðu okkur fimm
hrausta karlmenn, sem taldir voru, að fara
suður og reyna að brjótast út og ná kútnum úr
skútunni. Hinir vom: Högni Guðmundsson5,
3 Helgi Jónsson bóndi í Njarðvík 1883-1911. Hann kvæntist Sess-
elju Sigurðardóttur frá Heyskálum. Sex börn þeirra hjóna eru
nafngreind í Ættum Austfirðinga og má þar m. a. nefna Sigurlaugu
Helgadóttur, konu Jóns Jóhannessonar búfræðings og kennara,
en þau bjuggu á Bakkagerði, Önnu Helgadóttur konu Eyjólfs
Hannessonar hreppstjóra á Bjargi á Bakkagerði og Jóhann
Helgason á Ósi sem var kvæntur Bergrúnu Ámadóttur, Steins-
sonar. Ættir Austfirðinga 2. bindi bls. 325.
4 Gísli Jónsson bróðir Helga. Hann kvæntist Vilborgu Ásmunds-
dóttur frá Setbergi í Borgarfirði. Þau fluttu til Ameríku. Ættir
Austfirðinga 2. bindi bls. 325 og Vesturfaraská bls. 44. Þess
verður þó að geta hér að samkvæmt Prestsþjónustubók Desjar-
mýrarprestakalls 1850-1906 var það ekki rétt munað hjá Þórði
Þórðarsyni að Gísli hefði gift sig sama dag og Helgi bróðir hans.
í prestsþjónustubókinni segir að Gísli hafi kvænst Vilborgu
Ásmundsdóttur 3. nóvember 1875. Það var hins vegar Þorkell
Jónsson, bróðir þeirra Helga, þá bóndi í Njarðvík, sem kvæntist
bústýru sinni Guðnýju Jósefsdóttur þennan sama dag, 14. júlí
1883 sbr. sömu heimild.
5 Högni Guðmundsson bjó í Melstað á Bakkagerði frá 1903 til
dauðadags 1934. Hann var faðir Guðríðar Ágústu Högnadóttur,
konu Bjama Sveinssonar, en þau bjuggu einnig í Melstað. Sonur
þeirra var Sveinn Bjarnason síðar bóndi í Hvannstóði. Ættir
Austfirðinga 1. bindi bls. 312, Saga Borgarjjarðar eystra bls.
313 og Sveitir ogjarðir í Múlaþingi II. bindi bls. 392.
Sigurður Steinsson,6 Jónatan Jónatansson7 og
Jón Kristjánsson8 heitinn, sem fórst í sjóferð
milli Seyðisijarðar og Borgarfjarðar. Jónatan
var sjálfkjörinn formaður. Það braut með öllu
landinu, en komu þó lög. Við settumst ijórir
undir árar uppi í sandi og svo var bátnum ýtt
út. Það gekk vonum betur, en óvænlega leist
okkur á um tíma, en treystum Jónatan. Einkum
var vont við skútuna. Sigurður Steinsson fór
upp og náði kútnum, ég gætti bátsins að hann
færi ekki undir skipið. Við komumst heilu
og höldnu til lands og héldum strax norður.
Gleymdu fáir þeim umskiptum sem urðu á
veislugestum er kúturinn kom. Varð veislan
hin tjömgasta eftir það. Það var í þeirri veislu,
sem Sigurður Jónsson hljóp að presti óvörum
og slengdi honum niður. Síðan glímdu þeir
reglulega og lagði þá prestur Sigurð og þótti
vel af sér vikið.
Glímdirþú ekki oft við séra Stefán?
Við glímdum oft er við vorum að sýsla við
kindur úti. Hann kenndi mér eiginlega að
glíma, það sem ég kunni. Tvisvar glímdum
við opinberlega á glímufundi á Desjarmýri.
6 Sigurður Steinsson (f. 01.10.1856) var sonur Steins Sigurðssonar
sem bjó á Borg í Njarðvík en Steinn þótti mjög góður yfirsetu-
maður eða ljósfaðir. Sigurður Steinsson bjó síðast á Bakka í
Borgarfirði. Kona hans var Guðríður Jónsdóttir ffá Breiðuvík og
áttu þau mörg böm og em margir afkomendur frá þeim komnir.
Sjá Ættir Austfirðinga 2. bindi bls. 329.
7 Jónatan Jónatansson (1840-1922) bjó í Njarðvík og víðar, síðar
í Jónatanshúsi, öðru nafni Garður á Bakkagerði. Hann kvæntist
Sigurbjörg Ólafsdóttur frá Húsavík. Jónatan og Sigurbjörg
eignuðust tvær dætur, Ólafíu Elínu og Katrínu Maríu. Jónatans-
hús eða Garður stóð ofan við götuna sem liggur gegnum þorpið
skáhalt á móti Vinaminni. Ættir Austfirðinga 5. bindi bls. 987
og Saga Borgarfjarðar eystra bls. 304-305 og bls. 309.
8 Jón Kristjánsson sem hér er nefndur er sennilega sá sem bjó á
Snotrunesi 1883. Hann kemur þangað sem vinnumaður 1882,
en titlaður bóndi þar 30 ára 1883. Hann býr þar með hálfsystur
sinni og móður þeirra til 1884. Sóknarmannatal Desjarmýrar-
sóknar 1877-1894.
82
J