Múlaþing: byggðasögurit Austurlands - 01.01.2012, Qupperneq 161

Merkir hutir
Einarsson f. 1781 og
var hún fyrri kona
hans. Þau hófu búskap
á Mið-Hvoli í Mýrdal
árið 1810. Oddný lést 8.
september 1822 á Mið-
Hvoli í Mýrdal.
Eitt af bömum þeirra
Bjama Einarssonar og
Oddnýjar Amadóttur er
Sæmundur Bjarnason,
fæddur 8. nóvember
1814 á Mið-Hvoli.
Sæmundur kvæntist
Guðfínnu Þorsteins-
dóttur frá Ketilsstöðum í Mýrdal, f. 14. júlí 1827. Þau bjuggu á Mið-Hvoli í Mýrdal til 1868
og síðar á Vatnsskarðshólum til æviloka og lést Sæmundur þar 29. júní 1892. Guðfinna lést
3.júní 1892.
Dóttir Sæmundar og Guðfinnu var Oddný Sæmundsdóttir, fædd 24. ágúst 1852 á Mið-
Hvoli. Oddný lést 28. janúar 1945 á Eystri Sólheimum. Hún giftist síðan Páli Guðmundssyni,
f. 18. febrúar 1850 á Fossi á Síðu og bjuggu þau lengst af á Rauðhálsi í Mýrdal. Páll lést 1.
marz 1939 í Suður-Vík.
Dóttir þeirra Páls og Oddnýjar var Guðfinna Pálsdóttir Hjarðar, fædd 7. október 1886
og varð seinna húsmóðir í Hjarðarhaga á Jökuldal, gift Þorvaldi S. B. Hjarðar bónda þar.
Guðfmna lést í Hjarðarhaga 22. marz 1957 og hefur kembukassinn verið þar síðan. Svo virðist
vera að kembukassinn fylgi Oddnýjar nafninu í gegnum söguna og greinilegt er að Oddnýju
Sigríði, dóttur Guðfmnu og Þorvaldar er ætlaður forngripurinn til varðveislu.
Núverandi bændur þeir Páll, fæddur 18. júní 1918, og Benedikt, fæddur 1. ágúst 1921,
Þorvaldsynir Hjarðar, synir Guðfinnu og Þorvaldar hafa síðan verið við búskap í Hjarðarhaga.
Til glöggvunar skulum við rekja eigendur.
Oddný Sæmundsdóttir
Oddný Amadóttir, dóttir Oddnýjar
Sæmundur Bjamason, sonur Oddnýjar
Oddný Sæmundsdóttir, dóttir Sæmundar
Guðfinna Pálsdóttir, dóttir Oddnýjar
Oddný Sigr. Þ. Hjarðar, dóttir Guðfmnu
fædd 1742 d. 29. apríl 1829
fædd 1777 d. 8. september 1822
fæddur 8. nóvember 1814 d. 29. júní 1892
fædd. 24. ágúst 1852 d. 28. janúar 1945
fædd 7. október 1886 d. 22. mars 1957
fædd 28. desember 1928 d. 27. maí 1944
Það er ótrúlegt að svo lítill og viðkvæmur hlutur skuli hafa enst þetta lengi og ekki hafa
lent í eldi eða verið eyðilagður. Hinsvegar virðist ekki vera vani að henda hlutum í gáleysi
hjá búendum í Hjarðarhaga, svo vonandi eiga kembukassinn og kambarnir langa lífdaga
enn fyrir höndum. Eðlilegt væri að kembukassinn færi á Byggðasafnið í Skógum undir
Eyjafjöllum, enda er það byggðasafn Vestur-Skaftfellinga og kembukassinn upprunninn úr
Vestur-Skaftafellssýslu.
159