Bibliotheca Arnamagnæana - 01.06.1985, Blaðsíða 126
118
Det siste dømet hjå M. M. Lårusson er og det viktigaste punktet i
Trygve Knudsens argumentasjon til føremon for C31. Knudsen meiner,
som M. M. Lårusson, at avsnittet høver godt i slutten av preika.
I denne samanhengen kan det likevel vera grunn til å peika på ein
eigenskap som gjeld meir allment for Den islandske homilieboka.
Indrebø 1931 (s. *44) seier det er ein allmenn ulikskap mellom Den
gammalnorske homilieboka og Den islandske homilieboka at i den
islandske “er preikone noko utvida. — Utvidingane er gjorde etter eit
principp. Dei større tilleggi finst mest alle saman fram imot slutten på
preikone. — Slutningi inneheld gjerne kristelege fyretolor til kyrkje-
lyden, og desse fyretolone er det interpolatoren hev lengt ut.”
Denne opplysninga til Indrebø synest for meg å vera tilstrekkjeleg
forklåring på at C-teksta har fått denne utvidinga.32
D har i den delen av preika som er overlevert i fire tekster, i alt 29
særlesemåtar. D har dessutan 24 awik frå B=C der A er defekt.
Ein kunne også her tenkja seg at einskilde av desse 24 avvika frå
B=C kan ha stått i A. Men som vi alt her sett (s. 110), let det seg no
påvisa berre 2 døme på at D fylgjest med A mot BC, og berre eitt av
desse døma kan kallast relevant.
Eg reknar difor alle desse 24 avvika i D andsynes B=C for ordinære
særlesemåtar. D får då 53 særlesemåtar i alt.
Særlesemåtane i D er ikkje så mange som i C, men fleire enn i A og
B, og så mange at vi ikkje skal rekna opp døma på dei ymse typane.
Skort på einskildord har vi 9 stader, og skort på ordrekkjer på opp
til 4 ord har vi 5 stader. Skort på etterhengd bunden artikkel finn vi
ingen stad.
Overskytande einskildord finn vi 9 stader, og overskot av to-tre ord
3 stader; dessutan overskot av etterhengd bunden artikkel 4 stader.
Her er ein del døme på ulikt grammatisk tal, ulik ordstilling og at
ord vert utbytte med andre ord som gjev om lag same meining.
31 Knudsen 1949, s. 37; 1967, s. 64-66.
32 I jamføringane mellom B og C har bruket av bunden substantivartikkel vori disku-
tert av fleire granskarar. Indrebø 1931, s. *50, peika på at “Stavkyrkjepreika” har “etter
maaten mykje artikkel baade i N. Hom. og Stockh.” Dette vert stadfest av Hirvonen
1981, s. 36 og 46. Men både Knudsen 1949, s. 31, og Hirvonen 1981, s. 36 og 50, gjer det
klårt at artikkelbruket er så likt i desse to tekstene at det i og for seg ikkje gjev grunnlag
for slutningar om kva tekst det er som er den mest opphavlege.