Úrval - 01.04.1968, Page 116

114
um stofni, 15% svertingjar og 25%
blandaðir (múlattar og mestízar).
Hreinir Indíánaþjóðflokkar eru fá-
mennir og mjög dreifðir. Hvítir
menn eru flestir af portúgölskum
ættum, en mikið er þó af Þjóð-
verjum og ítölum. Japanir hafa
flutzt þangað í stórum StíL
Stundum er talað um tvær
Brazilíur og er þá átt að auki við
norðausturhlutann. Þar er léns-
skipulagið ennþá, hungur og fátækt
árlega yfirvofandi og vaxandi óeirð-
ir. Á þessu svæði býr þriðjungur
þjóðarinnar, eða 25 milljónir manna
og þar er oft svo mikill regnskort-
ur, að landið er kallað „marghyrn-
ingur þurrkanna“. Árið 1877 létust
300000 manns af völdum þurrkanna
og stjórnarvöldin hafa velt þessu
vandamáli fyrir sér síðan. Stundum
deyja fjögur börn af hverjum fimm
nýfæddum, meðalaldur fátæklinga
(flagelados), sem ná fullorðins-
aldri, er 40 ára, 50% verkafólks í
borgunum er atvinnulaus o.s.frv.
Samt eru íbúarnir mjög stoltir og
segja: „Helmingur íbúanna í Sao
Paulo hefur fæðzt erlendis, en hér
eru allir Brazilíumenn“!
í Sao Paulo-fylki eru 5,25 millj.
íbúa. Hér er mesta iðnaðarsvæði
landsins og hér er mesta fjármála-
og iðnaðar-veldi í Ameríku utan
Bandaríkjanna. Syðst er ríkið Rio
Grande do Sul. Þar er kyrrlátt og
stöðugt loftslag árið um kring og
mikil nautgriparækt. Mikill fjöldi
Þjóðverja og ítala býr þar og lifa
á landbúnaði. Þar er alþýðumennt-
un bezt í Brazilíu og er til þess
tekið, að íbúar höfuðborgar fylk-
isins, Porto Alegre, séu jafnbetur
ÚRVAL
menntaðir en í öðrum borgum
Brazilíu.
Fylkið Minas Gerais er nokkuð
stórt og liggur í austanverðri mið-
hásléttunni og er næstum jafnþýð-
ingarmikið og Sao Paulo vegna
málmanna í jörð. Fylkishöfuðborg
er Belo Horizonte (Fagur sjón-
deildarhringur), nýtízkuleg borg
með 800000 íbúa. Skipulag hennar
er listaverk eins og Brazilía, en
göturnar liggja eins og pílárar í
hjóli. Borgin er miðstöð í hag-
nýtingu málmanna í landinu.
Rio de Janiero er ein fegursta
borg í heimi og sú borg landsins,
sem útlendingar þekkja bezt. Þar
eru glæsilegir fjalla-tindar svo sem
Sykurtoppurinn og Corcovado, en
uppi á þeim síðarnefnda stendur
víðfræg Karistslíkneskja og er upp-
lýst að nóttu til. Baðströndin heims-
fræga, Copacapana er 10 km. löng.
Aftur á móti sést vart meiri mun-
ur á ríkum og fátækum en í þess-
ari borg, því skammt frá hinu dá-
samlega hafnarstæði og gistihöll-
um, þar eru einhver viðbjóðsleg-
ustu fátæktar og óþrifabæli á jörð-
inni (favelas), en þar býr fjórði
hlutinn af íbúum borgarinnar. Þar
býr fólk í kofaræflum hlöðnuin
úr blikkbrúsum og grjótrusli, en
það má teljast kaldhæðni örlag-
anna, að þeir skuli hafa bezta út-
sýn allra borgarbúa.
Brazilíumenn eru bjartsýnir, ör-
látir, umburðarlyndir, ofurlítið
leiðitamir og þeir eru vingjarn-
legasta þjóð á jörðinni. En þeir eru
líka dálítið latir. Ferðamenn í
landinu komast fljótt að raun um,
að þar er tiltölulega fátt, sem er