Tíðindi Prestafélags hins forna Hólastiftis - 01.01.1975, Blaðsíða 10

13
FORNMINJAR
Biskupsstafur eða bagall úr bronsi, með tveimur krókum, sd eini sinnar
gerðar á Norðurlöndum. Fannst á Þingvöllum og er frá seini hluta 11.
aldar, elzti norrcenn bagall sem nú er þekktur. — Eðlileg stcerð.
tíð, listaarf kynslóðanna, sem ávaxtaður var með nýju inni-
haldi eftir að Þór og hans lið var af landi brott og Kristur
og postular hans komnir í jreirra stað. Frá hinni fyrstu öld
kristni og kirkju hér á landi hefur enginn skrifaður stafur
varðveitzt, ekki hið allra minnsta snifsi af handriti. Þetta
þykir okkur sárt, sagnaþjóðinni, sem hefur meira eftirlæti
á ritminjum en öðrum menningarminjum. Ekki ber að lasta
það þjóðareinkenni, en þó mættu menn gjarnan opna hug
sinn ögn betur fyrir þeim þjóðlegu minjum, sem ekki tala
til þeirra í orðum en tala þó, ef vökulli athygli er að þeim
beint. Það gera fjalirnar frá Flatatungu og bagallinn frá
Þingvöllum. Þessar minjar tala máli 11. aldar skýrum rómi
og milliliðalaust. Þær eiga rétt á að tekið sé eftir máli þeirra,
og það borgar sig að hlusta vel, því að sú öld var öld mikilla
tíðinda í menningarsögu íslenzkrar þjóðar.