Tíðindi Prestafélags hins forna Hólastiftis - 01.01.1975, Blaðsíða 94
97
HÉRAÐSFUNDIR
á Blönduósi og stendur nú yfir bygging girðingar í kringum reitinn.
Þá er lokið viðgerð á Breiðabólstaðakirkju og hefur staðið um
árabil, enda er það eins og aðrar timburkirkjur í Húnaþingi ágætis-
hús að stofni til.
Þá var Efra-Núpskirkja máluð utan í sumar og Hólanes og
Blönduóskirkja máluð í sjálfboðavinnu. Heitt vatn hefur verið
leitt í Hvammstangakirkju.
Mikil stækkun var gerð á garðinum í Kirkjuhvammi. Vönduð
girðing úr tré um þá stækkun, mikið sett upp í sjálfboðavinnu.
Þá stendur til að hafist verði handa bráðlega á endurbótum á
Melstaðakirkju. Þá er mikill áhugi í Höfðakaupstað að reisa nýja
kirkju, það eigi talið fært að stækka Hólaneskirkju, vegna þess
hve veggir hennar eru sprungnir.
Verður eigi annað sagt, en að áhugi og framkvæmdasemi sé
ríkjandi, um viðhald kirkna í Húnaþingi.
Kirkjum í prófastsdæminu hafa gefist á árinu peningagjafir og
góðir gripir.
Má þar nefna, að sú venja hefur skapast að fiskimenn er stundað
hafa rækjuveiðar við Húnaflóa og ísafjarðardjúp hafa gefið afla
einnar sjóferðar til t. d. kirkna eða líknarsjóða og ekknasjóðs.
Svo var einnig líka síðustu vertíð að kirkjurnar á Hvammstanga,
Skagaströnd og Hólmavík hlutu slíkar gjafir. Sjómenn gáfu afla
síðustu sjóferðar og frystihús aðstöðu alla, verkun og geymslu hans
og æskufólk gaf vinnu sína.
Færði prófastur öllum þeim er hér áttu hlut að hinar beztu
þakkir fyrir alla þessa vinsemd og fórnarhug.
Þá var tekið fyrir aðalmál fundarins, „Kirkjan og samtíðin“.
Fluttu þeir ágæt framsöguerindi, Jón ísberg sýslumaður og sr.
Árni Sigurðsson og urðu um þau miklar umræður.
Þessar tillögur voru samþykktar á fundinum:
Héraðsfundur Húnavatnsprófastsdæmis, haldinn á Blönduósi
sunnudaginn 25. ágúst 1974 skorar á hið háa Alþingi að samþykkja
frumvarpið um veitingu prestakalla, sem lá fyrir síðasta Alþingi
og samþykkt var af Kirkjuþingi.
Héraðsfundur Húnavatnsprófastsdæmis haldinn á Blönduósi,
sunnudaginn 25. ágúst 1974 skorar á Utvarpsráð að ljúka hverri
dagskrá með bænastund, svo og stuðla að því að stutt kristileg
hugvekja verði flutt í dagskrá útvarpsins á hverjum sunnudegi
eins og tíðkast sumstaðar á Norðurlöndum.
Æskilegt væri að barnatími í útvarpi og sjónvarpi hæfist með
bænastund.
Fundinn sátu 3 prestar og 10 safnaðarfulltrúar auk gesta. í lok