Tíðindi Prestafélags hins forna Hólastiftis - 01.01.1975, Blaðsíða 63
MINNING
66
vellir í Hörgárdal. Prestsvígslu hlaut hann 13. maí 1928, og
tæpri viku síðar, 19. maí, kvæntist hann Maríu Ágústsdótt-
ur heilbrigðisfulltrúa Jósefssonar. Voru þau bekkjarsystkin
og samstúdentar. Frú María var góðum gáfum gædd og
studdi mann sinn í margháttuðum störfum hans. Stóð hún
við hlið hans af vakandi áhuga á málefnum kirkjunnar. Frú
María lézt 18. ágúst 1967.
Séra Sigurður Stefánsson var mikilhæfur kennimaður og
vann hann störfin af áhuga, fórnfýsi og vandvirkni. Páll
postuli skrifar í 1. Tím. „Stunda þetta, ver allur í þessu . . .“
— þannig var séra Sigurður vígslubiskup. Hann var allur í
embætti sínu, helgaði því óskipta krafta sína, og átti vin-
sældum að fagna enda var hann vingjarnlegur í allri fram-
komu sinni, góðviljaður og hjálpfús. Hann sameinaði í
senn djúpa alvöru og glaðlega kímni. Embættisverk sín vann
hann af virðuleik, var hið bezta máli farinn og raddmaður
góður. Af félagsmálum má nefna áhuga hans á skógrækt og
slysavarnarmálum. Hann var sýslunefndarmaður í Eyjafjarð-
arsýslu. Prófastur í Eyjafjarðarprófastsdæmi varð hann 1.
nóv. 1954 og vígslubiskup í Hólastifti hinu forna 30. ágúst
1959, er hann var vígður í Hóladómkirkju af biskupi íslands
herra Sigurbirni Einarssyni.
Séra Sigurður var lengi forustumaður í félagsstarfi norð-
lenzkra presta. Hann var kosinn formaður Prestafélags Hóla-
stiftis haustið 1958 oggegndi því starfi í tíu ár, eða til hausts-
ins 1968. Þá var hann kjörinn heiðursforseti félagsins.
Af ritstörfum séra Sigurðar má einkum nefna bók hans
um séra Jón Þorláksson, þjóðskáldið á Bægisá, er út kom
1963. Séra Sigurður hafði fagra og skýra rithönd, eins og
embættisbækur hans bera vott um. Hann ritaði greinar í
kirkjuleg blöð og tímarit. Á stúdentsárum var hann í hópi
,,Strauma-manna“, er þá gáfu út mánaðarrit til eflingar
frjálslyndum kristindómi.
Séra Sigurður og frú María eignuðust fjögur börn. Sigrún
er sjúkraliði gift Einari Jónssyni lækni. Rannveig flugfreyja