Tíðindi Prestafélags hins forna Hólastiftis - 01.01.1975, Blaðsíða 96

99
HÉRAÐSFUNDIR
sókn væri nær engin, jörðin í eyði og fólk í Knappsstaðasókn tekið
að sækja kirkju að Barði, enda styttra. Fleiri tóku til máls og létu
menn í ljós áhyggjur gagnvart hinum gömlu kirkjum og kirkju-
munum. Frú Guðrún á Mælifelli talaði um vanhirðu á kirkju-
görðum og hét á safnaðarfulltrúa og presta að hefjast handa um
úrbætur í þessu efni. Þá las prófastur upp bréf frá Aðalsteini Stein-
dórssyni eftirlitsmanni kirkjugarða. Var þar lagt til, að héraðs-
fundur kysi nefnd, er annist þetta mál með umferðavinnu. Nokkrar
umræður urðu um þetta mál. Varð niðurstaðan sú að kjósa tvo
menn í kirkjugarðanefnd Skagafjarðarprófastsdæmis ásamt pró-
fasti. Hlutu kosningu frú Guðrún Ásgeirsdóttir, Mælifelli og frú
Ásta Hansen, Svaðastöðum.
Þessu næst flutti sr. Tómas Sveinsson erindi, er hann nefndi:
Almennar hugleiðingar um manninn í samfélagi sínu. Erindið var
mjög gott, flutt af einlægni og tilfinningu, prýtt viðeigandi dæmi-
sögum. Þakkaði prófastur þessa fögru og þörfu hugvekju.
Eftirfarandi tillaga kom fram frá sr. Ágústi Sigurðssyni: Héraðs-
fundur Skagafjarðarprófastsdæmis, haldinn að Hofsósi 3. nóvem-
ber 1974 ályktar að kirkjum í prófastsdæminu megi ekki fækka né
prestaköllum frekar en orðið er. Fundurinn harmar, að helgihald
hefur nú lagst af í Knappsstaðakirkju í Stíflu, og flestir munir
kirkjunnar fluttir af staðnum. Leggur fundurinn til, að kirkjunni
verði haldið í messufæru ástandi og felur prófastinum að koma
þar á guðsþjónustu með sóknarprestinum og reyna að fá fólk til
að sækja kirkjuna og standa vörð um framtíð hennar. Tillagan var
samþykkt með öllum greiddum atkvæðum.
Fjórða mál var skýrsla prófasts um kirkjureikninga, messur,
altarisgöngur og Elliheimilssjóð. Messur voru 257 á árinu, ferm-
ingarbörn 93 og altarisgestir 630. Kirkjureikningar bomir upp og
samþykktir. Viðvíkjandi Elliheimilissjóði upplýsti sr. Tómas Sveins-
son, að fjórar elliíbúðir hefðu verið byggðar, en sjóðurinn væri
févana. Elliheimilissjóðsreikningur var borinn upp og samþykktur.
Fimmta mál voru nefndakosningar. Hólanefnd svo og elliheim-
ilisnefnd voru endurkjörnar.
Onnur mál. Sr. Ágúst Sigurðsson kvaddi sér hljóðs undir þessum
dagskrárlið og minnti á að engin kirkja í Skagafirði bæri nafn
Hallgríms Péturssonar í fæðingarhéraði skáldsins. Kvaðst ræðu-
maður vilja skjóta fram þeirri hugmynd, að hin nýlega Hofsós-
kirkja væri látin bera nafn hans.
Frú Pála Pálsdóttir ræddi nokkuð um söngmál héraðsins. Einnig
taldi hún, að Skagfirðingar mættu gjarnan minnast sr. Jóns Stein-
grímssonar á einhvern hátt.