Tíðindi Prestafélags hins forna Hólastiftis - 01.01.1975, Page 87

FÉLAGSLÍF
90
hjónum í Hólastifti tækifæri til þess að eignast nppbyggi-
legar samverustundir, endurnýja og endurnæra kynni sín
og njóta hvíldar og hressingar í fögru umhverfi.
Fyrsta mótið var síðan haldið um mánaðarmótin ágúst—
september 1972. Aðalumræðuefni mótsins var „Prestsheim-
ilið og kirkjan". Urðu fjörugar og gagnlegar umræður um
þetta efni, og tóku konurnar mjög virkan þátt í þeim. Margt
bar á góma og raunar flesta þá þætti, sem sameiginlegir eru
í störfum á hverju prestsheimili, ýmist í sveitum eða í
þéttbýli. Auk þess aðalefnis voru ýmis fleiri mál rædd,
svo sem starfsemi sumarbúðanna, og sr. Tómas Sveinsson
flutti erindi um sálgæzlu. Þá voru farnar skoðunarferðir
um nágrennið og hefur sá siður haldist síðan. F.kki þarf að
orðlengja það, að allir mótsgestir voru mjög ánægðir með
þessar samverustundir og allir staðráðnir í því að efla þessa
starfsemi og halda henni áfram.
Annað mótið var haldið að ári liðnu á svipuðum tíma. Að
}>essu sinni hafði dr. Þórir Kr. Þórðarson, prófessor við guð-
fræðideild Háskóla íslands, verið fenginn til þess að flytja
erindi. Flutti hann mjög vekjandi erindi um nokkra þætti
í eðli guðfræðinnar, með sérstöku tilliti til þess, hvernig
guðfræðileg hugsun og trúarlíf, tengist hinn raunverulega
lífi fólksins, eins og því er lifað í hversdagsleikannm. í þessu
sambandi ræddi hann m. a. um samskipti meðal manna,
bæði innan fjölskyldna, eða kristinna safnaða. Samskipti
prests við söfnuð sinn í starfi og þar á meðal í guðs-
þjónustunni. Varpaði fram spurningum og athugasemdum
um málfar prestanna og þau kristnu hugtök, sem þeir nota í
ræðum sínum, hvort nútímamaðurinn hefði ekki fjarlægst
hið kristna tungutak. Ef svo væri yrði annað hvort að hætta
notkun ákveðinna hugtaka eða að skýra þau rækilega út
fyrir söfnuðinum. Umræður urðu lifandi og fræðandi og
lauk þessu móti sem hinu fyrra, að allir skildu ánægðir og
fóru endurnærðir og fróðari heim.
í sumar var mótið svo haldið í þriðja sinn. Þótti vel við