Skírnir - 01.04.1906, Blaðsíða 21
Skírnir.
Japan.
117
unum á svipaðan hátt og í Frakklandi og mikil áherzla
á hana lögð. Yfirleitt eru Japanar litlir trúmenn og verð
ur ekki sagt að þeir trúi á nokkurn guð, enda sama að
segja yfirleitt um Búddista. Þrátt fyrir þetta má telja
Japana siðgóða menn og glæpir eru þar stórum færri til-
tölulega en i Norðurálfulöndun um; (t. d. ekki % í saman-
burði við Þýzkaríkið). Kemur þetta heim við það, sem
nauðakunnugur maður hefir sagt mér. Hann hat'ði um
flest lönd fariö, en sagðist hvergi hafa hitt jafnáreið-
anlegt og grandvart fólk í orði og verki og í Japan, ef
undanskildir væru hafnarbæir, þar sem Norðurálfumenn
hefðu spilt siðunum. Gæti þetta verið umhugsunarefni
fyrir þá fáfróðu menn, sem ætla að kristin trú sé óhjá-
kvæmilegur grundvöllur góðs siðferðis.
I mínum augum er það mjög sennilegt, að trúbrögð
verði útilokuð frá öllum lýðskólum mentaþjóðanna að
dæmi Frakka og Japana, þegar tíinar líða, enda er ann-
að tæpast samrýmanlegt við fullkomið trúbragðafrelsi.
Um mentun kvenna hafa verið skiftar skoðanir í
Japan eins og víða annarstaðar. Aður en stjórnarbreyt-
ingin varð (1868) var mentun þeirra mjög ábótavant.
Um verulegt nám var tæpast að tala. öll áherzlan var
lögð á að læra heimilisstörf, siðfræði, smekklegan klæða-
burð og meira eða minna af söng og fögrum listum. A
öllu þessu varð mikil breyting þegar skólarnir risu upp,
og var nú tekið til í ákafa að menta kvenfólkið í ýms-
um skóluin eftir Norðurálfusið og kenna því ýmsar
námsgreinar, sem áður höfðu ekki tíðkast. I fyrstu gekk
alt ágætlega, en þegar þessar lærðu konur komu af skól-
unum til heimila sinna eða giftust, þóttu þair hvorki góð-
ar dætur eða konur. Skoðanir þeirra og foreldranna, sem
auðvitað voru uppalin eftir gamalli tízku, komu oft í bága,
en Japanar leggja mikla áherzlu á, að börn sýni foreldr-
um sinum hlýðni og virðingu. Þær sem giftust þóttu lítt
kunna að veita heimili forstöðu og í fáu vera góðar hús-
mæður. Alt þetta leiddi til þess, að skólalærdómur kven-
manna fekk á sig óorð og þótti fremur spilla en bæta