Skírnir - 01.04.1906, Blaðsíða 33

'Skírnir.
Japan.
129
Ekki er mér kunnugt um, að miklu fé hafi verið varið
til vegagjörðar. Sennilega hafa akvegir verið um land
alt þar sem þeirra var þörf, en annars mun flutningur
með hestum og vögnum vera tiltölulega lítill, því hesta
hafa þeir fæstir. Ef vér berum akbrautir vorar saman
við járnbrautagjörð Japana, þá verður furðu lítið úr þeim.
Til akveganna höfum vér lagt á fám árum miklu meira
fé tiltölulega en Japanar til allra járnbrautanna og það
án þess að taka einn eyri að láni.
Gufuskipaferðir eru nú eflaust komnar í gott lag með-
fram öllum ströndum Japans, en ekki er mér nánar kunn-
ugt um fyrirkomulag þeirra.
d) Hraðskeyti voru eitt af því fyrsta sem stjórnin
hratt í framkvæmd. 1869 var fyrsti ritsímaspottinn lagð-
ur milli Tokyo og Yokohaina og stóðu Englendingar fyrir
verkinu. Tveim árum síðar var sæsími lagður til megin-
lands af norræna ritsímafélaginu, sama félaginu sem nú
heflr tekið að sér að ieggja sæsíma til Islands. Síðan
heflr fjöldi síma verið lagður í sjó og á landi af Japön-
um sjálfum svo að 1884 voru allir helztu bæir landsins í
ritsímasambandi. Mikið ýtti það undir ritsimalagninguna
að hernum voru símarnir ómissandi. 1890 var fyrsti tal-
sími lagður og hafa þeir mjög útbreiðst síðan. 1903 voru
318 talsímastöðvar til afnota fyrir almenning og 111 milj.
samtöl á ári. Engin ósköp eru þetta í jafn-mannmörgu
landi og ekki meira en nú gjörist hjá oss í samanburði
við fólksfjöldann.
Fyrstu árin sem ritsímar og talsímar voru lagðir voru
þeir lítið notaðir. Fólk þekti ekki þessa nýbreytni og
kunni ekki að færa sér hana í nyt, en þetta fór fljótlega
af. Síðustu árin hefir fjöldi loftskeytastöðva verið settur
á fót, einkum í þarfir hersins. Komu þær að ómetanlegu
gagni í stríðinu við Rússa.
Bæði ritsímar og talsímar eru rikiseign. Japanar
smíða þá sjálflr og áhöld öll nú orðið. I námum sínum
fá þeir bæði járn og kopar í þræðina og staurarnir verða
þeim ódýrir, því víðast eru nógir skógar að taka af. Þeir
9