Skírnir - 01.04.1906, Blaðsíða 71

Skírnir.
Y erzlunarjöfnuður.
167
ingar kveða að orði). Vér verðum því að láta oss nægja
að benda á þessa helztu gjalda- og tekjustofna þjóðanna
í stórum dráttum.
Út úr landinu rennur:
Fé, sem greitt er fyrir inntiuttar vörur og útlend verð-
bréf, seld i landinu; farmeyrir fyrir vörur er fluttar eru
með erlendum skipum á landsins kostnað; vextir af þeim
verðbréfum landsins, sem útlendingar eiga; ferðakostnaður
landsmanna erlendis osfrv.
Landið fær aftur á móti:
Borgun fyrir útfluttar vörur og verðbréf landsins, seld
erlendis; vexti af erlendum verðbréfum í eigu landsins;
farmeyri, sem skip landsins vinna fyrir í förum erlendis;
gjöld erlendra skipa og erlendra ferðamanna í landinu osfrv.
Af osfrv. má nefna ábyrgðargjöld, peningasendingar
innflytjenda til ættlands síns, peninga sem útflytjendur
hafa á brott með sér, arð af verzlun erlendis, verzlunar-
Og bankaómakslaun, ómakslaun og gróða verkfræðinga,
rithöfunda, lögfræðinga, arf, peningastyrk sem sendur
er, góðgjörðasemi, spil og gróða eða tap á fjárglæfrum.
Vér skulum taka nokkur dæmi til að sýna hvernig
öll þessi viðskifti jafna sig.
Bandaríkin í Norður-Ameríku flytja ár hvert
miklu meira af vörum út en inn. Síðan 1892 hefir út-
flutningur aukist um 100 %. Á átta árum höfðu þeir flutt
alls 3,000,000,000 dollara meira út en inn, og þó var á
sama tímabili innflutt gull miklu minna en 100,000,000
dollarar. Svo er mál með vexti, að þeir eru skuldunautar
annara landa i nálega öllum öðrum greinum. Mestan
hluta af vöruverzlun þeirra við önnur lönd annast erlend
skip, svo þeir verða að borga mikið fé í farmeyri. Þá
ferðast líka Ameríkumenn mikið og eyða miklu fé erlendis;
þeir hafa einnig keypt mikið af amerískum verðbréfum
aftur frá öðrum löndum. Sagt er og, að innflytjendur
sendi mjög mikið fé til Evrópu.
England hefir síðustu 10 ár að meðaltali ár hvert
flutt 161,000,000 pund sterling meira inn en út og Eng-