Skírnir - 01.04.1906, Blaðsíða 28
124
Japan.
Skírnir.
heita má að húsin ligg'i laus ofan á grunninum og eru
engir kjallarar undir þeim. Stoðirnar einar ná niður á
grunninn og leikur þyí loítið undir gólflnu. Jarðskjálft-
arnir hafa kent þeim þetta byggingarlag. Þegar þeir ríða
undir húsin hrærast þau meira eða minna á grunnunum,
en brotna síður eða verða fyrir áföllum. Það eru og jarð-
skjálftarnir sem valda því, að alt er bygt úr timbri.
Um þrjár miljónir Japana lifa af fiskiveiðum. Það
er líkt um þær að segja og landbúnaðinn, að stjórn og
þing hafa stutt þær næsta lít-ið, þó eflaust geti þær orðið
hin mesta auðsuppspretta. Svo má heita, að veiðarnar
séu eingöngu reknar með opnum róðrarbátum, sem allir
eru flatbotna. Stærstu bátarnir eru furðu langir, alt að
25 álna, en fæstir lengri en 14 álnir. I sumum bátunum
eru smá hús fyrir sjómanninn og hyski hans, en í engum
er reglulegt þilfar. Eflaust verða fiskiskip með Norðurálfu-
sniði tekin upp bráðlega, því gamla fyrirkomulagið þvkir
úrelt og óhentugt.
Fátækir eru þeir eflaust, japönsku sjómennirnir. Má sjá
það af því, að það var garnall siður þar í landi að stjórnin
veitti sjómönnum ódýr lán að vetrinum, þegar ekki var
fiskað. Nú er þessi siður lagður niður, og þá fór svo, að
sjómennirnir tóku endalaus lán hjá kaupmönnum og okr-
urum gegn veði í veiðinni næstu vertíðina. Lán þessi eru
afardýr og rennur því allur ágóðinn af veiðimii í vasa
okraranna. Sennilegt er, að stjórnin hugsi eitthvað til að
bæta úr þessu vandræða ástandi.
Iðnaður heflr tekið geysilegum framförum í Japan
síðari árin. Að tvennu leyti heflr stjórnin átt þátt í því.
Hún hefir sett risavaxin iðnaðarfyrirtæki á fót til þess að
geta séð hernum íyrir öllum nauðsynjum, skipum, vopn-
um, skotfærum, fatnaði o. fl., og að öðru leyti hafa iðn-
skólarnir útbreitt hvers konar þekkingu á iðnaði Norður-
álfubúa. Annars hefir stjórnin lítt hlutast til um þennan
atvinnuveg fremur en aðra. Aftur hafa einstakir menn
og fjöldi félaga stofnsett verksmiðjur og alls konar iðn-
aðarfyrirtæki, sem eflaust gefa mikið te í aðra hönd, því