Morgunblaðið - 28.03.1991, Side 9

MORGUNBLAÐIÐ FIMMTUDAGUR 28. MARZ 1991
Að búa sig
iindir lífíð
eftirÓLAF
SKÚLASON biskup
Gleðilega páska.
Það tala margir um páskahret.
Sumum þykir það við hæfi að dirf-
ast ekki að fagna yfir vorþey og
ljúfu veðri fyrir páska, af því að
næstum því megi telja ömggt, að
hret komi og kæfi allt í fönn og
frysti brumknappana, sem vora of
fljótir á sér.
Engu að síður segjum við gleði-
lega páska. Og þeir eru ekki fáir,
sem taka sér ekki aðeins orðin í
munn af fylgispekt við hefð ára
og alda, heldur er þeim kveðjan
sönn staðfesting á því, að fyrirheit-
ið, sem tengist fæðingu Jesú, átti
eftir að rætast.
Konur við gröf
Margt gerðist frá því konur fundu
gröfina tóma. Margt hretið hefur
dunið á kristinni kirkju. Ekki var
alltaf í heiðan himin að sjá. Fönn-
in faldi vorgróður. Frostið herpti
framför. Samt glataðist vonin ekki.
Og enn segjum við vonina vera svo
nátengda boðskap páska, að þar
verði vart gerður munur á.
Konur komu að gröf og fundu
hana tóma. Konur fengu fyrstar
hið veglega hlutverk að flytja
kunnugum tíðindin miklu um upp-
risu frelsarans. Síðan skyldi allur
heimur fregna. Það er gott að
minnast þessa framlags kvenn-
anna.
Kvennaáratugurinn
Nú er sá tími, sem kirkjan kall-
ar kvennaáratuginn. Það gjöra
samtök kirkna vítt um veröld í
þakkarskyni fyrir framlag kvenna
til boðunar og styrktar kristni í
heiminum, en einnig til þess að
minna á það, að langt er frá því,
að hlutur kvenna sé jafnvel virtur
og verðugt væri.
Hér á Íslandi hefur ekki farið
mikið fyrir kvennaáratug heims-
samtaka kirkna. Við teljum okkur
ekki þurfa að leiðrétta margt. Hér
njóti konur jafnréttis við karla.
Hér séu þær virtar svo, að síst
þurfi áratug til að minna á hlut
þeirra og framlag. Betur að satt
væri. Betur að hlutur kvenna væri
svo vel virtur, sem verðugt er.
Betur að kirkjan skildi hlutskipti
konunnar og hvernig kirkjan sjálf
í boðun sinni og karlkenningum
hugtaka hefur gert hlut konunnar
lægri en skyldi. Óskandi, að við
með boðskap kvennanna á hinum
fyrstu páskum fyrir augum litum
í eigin barm og leituðumst við að
setja okkur í spor kvennanna, sem
jafnvel enn í dag þurfa að hlýða á
lestur, þar sem skírskotað er til
bræðra en systur ei nefndar, og
syni hafna í hásæti Guðs sem frið-
flytjendur. Enda þótt í endurskoð-
un Biblíuþýðingarinnar frá 1981
sé nú talað um Guðs böm í sæíu-
boðum íjallræðunnar, en ekki að-
eins syni. Og þyrftu fleiri lagfær-
ingar að sjást í þeirri nýju þýð-
ingu, sem nú er unnið að.
Að búa sig undir svefninn
Mér þótti merkilegt að leik-
mannastefnu nýafstaðinni, hve
hlutur kvenna fer vaxandi einnig
þar. Vissulega eiga þær að skipa
þar veglegt sæti eins og í ráðum
kirkjunnar og nefndum. Þær.
kunna líka að miðla því, sem öðram
gagnast vel og nýta reynslu sína
af því að hlú að hinum viðkvæm-
asta gróðri, sem hret geta auðveld-
lega spillt og fönn kalið. Þar á ég
Konurnar við gröfina (Mark. 16, 5). Teikning eftir Gustave Doré
úr bókinni Biblían í myndum (1989).
við uppeldi barna og forsjá heimil-
is.
Og seint mun ég gleyma orðum
einnar konunnar á leikmanna-
stefnu, sem spurði, hvort enn
mundi það víða iðkað að hvetja
börn til að búa sig undir svefninn.
Hún sagðist óttast það, að þessi
hvatning heyrðist ekki lengur.
Túlkun hennar á orðtakinu að búa
sig undir svefninn, var að börnin
tækju nú saman dótið sitt, gengju
frá því, þar sem það ætti að geym-
ast, ættu' síðan rólega stund og
hljóða, áður en spenntar væru
greipar í kvöldbæninni, sem pabbi
eða mamma eða bæði tækju þátt
í með þeim. „En er bænin ef til
vill horfin líka af mörgum heimil-
um,“ spurði hún, „rétt eins og það
er að verða framandi að búa sig
undir svefninn.“
Að búa sig undir lífið
Og við hugsum til barrianna,
sem njóta ekki leiðsagnar að lind
bænarinnar. Sjáum fyrir okkur
börn, sem eru rekin í rúmið með
köll í eyrum og hávaðann frá því,
sem síðast mætti þeim í sjónvarp-
inu til að fylgja þeim yfir í drauma-
landið. Og við spyijum með kon-
unni á leikmannastefnu Þjóðkirkj-
unnar, hvort vanræksla fjölda
heimila við að búa börn undir
svefninn í friði og bænargjörð hafi
ekki það í för með sér, að þau séu
síður búin undir lífið sjálft. Og
þurfum reyndar ekki að spyrja.
Við kunrium svarið utan að. Og
þótt við viljum gleyma því, þá eram
við stöðuglega minnt á það í frétt-
um fjölmiðla af börnum og ungl-
ingum, sem vora ekki undirbúin
fyrir lifið og hefur hrakið af leið
réttlætis og friðar yfir í ógöngur
ofbeldis, fíknar og spillingar. Og
ég spyr sjálfan mig að því, hvort
skipbrot svo margra megi rekja til
þess, að þau voru ekki búin undir
svefninn með þeim hætti, sem að
framan er lýst.
Von í nýrri sköpun
Páskarnir flytja í boðskap sínum
nýja von. Hún var svo máttug fyr-
ir nærfeilt tvö þúsund árum, að
hún olli straumhvörfum í stefnu
mannkyns. En þessi elfur, sem
rann frá Golgata um Jerúsalem
og út um Galíleu og þaðan til
heimsins alls, þarf á því að halda,
að við ryðjum hindrunum úr vegi
og sprengjum stíflur. „Sjá, ég gjöri
alla hluti nýja,“ er hluti af boðskap
fyrirheitisins, sem við tengjum
nýju lífi í fagnandi boðskap pásk-
anna. Og bæn okkar nú er sú, svo
sem hún hefur alla tíð verið, að
við rhegnum að taka -þannig á
móti hinum upprisna, að nýtt líf
skapist.
Við bjóðum hvert öðru gleðilega
páska. Sá er boðskapur lífsins að
vori. Margt getur hent, margt ger-
ist með öðrum hætti en helst væri
kosið. En hvatning páska er að
búa sig undir lífið, nýtt líf í Jesú
Kristi, nýja sköpun í heilögum
anda. Og á því er enginn vafi, að
undirbúningur undir lífíð er ekki
sístur, þegar undirbúningur fyrir
svefninn er vel ræktur, í friði, í
reglusemi og bæn. Og þær era
ótaldar konurnar, sem hafa lagt
fram ómetanlegan skerf í þeim
• undirbúningi. Því er okkur hollt
að hugsa um kvennaáratug og
samstöðu kirkjunnar með konum.
Svo vel hafa þ^er unnið kirkju
sinni, allt frá því konum var fyrst
trúað fyrir þeim boðskap, sem átti
eftir að breyta öllu, og er að breyta
öllu. Okkur líka. Sérstaklega okk-
ur. Búum okkur undir lífið í anda
barnsins, sem er hjálpað til að búa
sig undir svefninn. Minnumst
þeirray sem þar hafa hlúð að okkur
og ræktum þá minningu með því
að fylgja fordæmi þeirra.
Slíkt veitir okkur sanna páska-
gleði í ríkri þakkarkennd og hvatn-
ingu til ljúfrar eftirfylgdar. Gleði-
lega páska.
M ITSUBISHI

SANNKALLAÐ AUGNAYNDI HVAR SEM A E R L.ITIÐ
' ■■. . . , ,. ■
. -
■. ■"■;.; •
GALANT stallbakur
□ 5 manna lúxusbíll
□ Sjálfskiptur eða handskiptur
□ Eindrif eða sítengt aldrif (4WD)
□ Sígilt útlit
□ Verð frá kr. 1264.320
GALANT hlaðbakur
□ Sjálfskiptur eða handskiptur
□ Eindrif eða sítengt aldrif (4WD)
□ 5 manna fólksbíll breytanlegur í 2 manna
bíl með gríðarstórt farangursrými
□ Verð frá kr. 1286.400
A
MITSUBISHI
MOTORS
OPIÐ VIRKA DAGA FRÁ I<L. 9 - 18 OG LAUGARDAGA FRÁ KL. 10-14
HEKIA
LAUGAVEGI 174
SÍMI 695500