Morgunblaðið - 28.03.1991, Page 91

%91
■°%1
Halldór Péturs-
son - Minning
Fæddur 21. janúar 1926
Dáinn 22. mars 1991
Við, börn hins látna, viljum minn-
ast föður okkar, Halldórs Péturs-
sonar, í nokkrum oi'ðum. Hann var
sonur hjónanna Bjargar Andrés-
dóttur og Péturs Halldórssonar,
sem fórst af slysförum í Englandi
þegar faðir okkar var á þriðja ári.
Amma okkar giftist síðar Guðjóni
Jónssyni og fluttust þau til Siglu-
fjarðar þar sem Guðjón fékk starf
sem verkstjóri hjá Síldarverksmiðj-
um ríkisins.
Eftir að amma og faðir okkar
fluttust til Sigluíjarðar vænkaðist
hagur þeirra og lífsbaráttan var
þeim léttari en verið hafði. Faðir
okkar gekk í Gagnfræðaskólann
sem þá var staðsettur á kirkjuloft-
inu og vissum við að hugur hans
stóð til frekari mennta en ekki varð
af því þó hann hefði alla burði til
þess. Líklega hafa erfið æskuár,
-föðurmissir og sjúkdómar í æsku
haft áhrif þar á.
Sem ungur maður á Siglufirði
stundaði hann þá vinnu sem til féll
en síðar fór hann til sjós, fyrst á
dagróðrarbáta og svo sem háseti
og bátsmaður á nýsköpunartogur-
unum, Hafliða og Elliða, sem Siglu-
ijarðarbær átti og rak.
Faðir okkar þótti hörku sjómaður
og hlífði sér lítið við sjómannsstörf-
in sem oft voru erfið á þessum
árum. Hann þótti úrræðagóður og
fljótur að leysa þann vanda sem oft
kemur upp til sjós og lék flest sem
við kom sjómennsku í höndunum á
honum. Hann þótti fastur fyrir og
ákveðinn en gat auk þess verið
mjög skemmtilegur og glettinn
maður.
Árið 1950 hófu foreldrar okkar
sambúð sem varði meðan hann lifði.
Móðir okkar heitir Sigríður Júlíus-
dóttir. Þau eignuðust sex börn sem
öll eru á lífi. En þau eru Jóhann
Pétur, f. 1946, Júlíus Einar, f. 1950,
Ingibjörg, f. 1952, Rafn, f. 1954,
Björg Guðný, f. 1960 og Sigurður,
f. 1965. Barnabörnin eru orðin 18
og bamabarnabörnin 2.
Við minnumst þess, systkinin,
þegar við biðum með móður okkar
á öldubijótnum sem þá var kallað-
ur, eftir að Eiliði kæmi inn og var
það stundum löng bið, en um síðir
sá móta fyrir togaranum út við Sigl-
unes og var þá tilhlökkunin mikil
hjá okkur krökkunum, sérstaklega
þegar hann var að koma úr sigl-
ingu. Við fengum þá leikföng sem
ekki voru algeng hér á landi og
útlenskt sælgæti. Enn eina minn-
ingu af mörgum eigum við um sjó-
mennsku föður okkar, þegar við
biðum við gluggann heima á Hverf-
isgötu með móður okkar, eftir að
pabbi kæmi heim úr dagróðri. Um
síðir sáum við hann koma upp göt-
una í gráum stakk með fisk í soðið
í hendinni og var þá ekki laust við
að barnslegt stolt kæmi upp í hug-
ann og gleði við að sjá föður sinn.
Um 1958 hætti faðir okkar til
sjós og fór að vinna hjá Birgi Run- -
ólfssyni sem þá sá um vöruflutninga
landleiðina til Sigluíjarðar. Á þeim
tíma var viss festa komin á í lífi
foreldra okkar eftir erfið ár sem
fylgdu sjómennsku föður okkar en
barnauppeldið hafði hvílt að mestu
á herðum móður okkar. Þau höfðu
keypt sér íbúð á Laugaveginum,
sem var þeirra fyrsta íbúð en höfðu
fram að þeim tíma leigt og minnt-
umst við gleði og tilhlökkunar að
flytja í nýja íbúð.
Faðir okkar vann ekki lengi hjá
Birgi Runólfssyni .en ákvað að láta
smíða fyrir sig trillu, sem hann
nefndi Draupnir og gerði út um
tíma. En atvinnuleysi og fiskileysi
á Siglufirði á þessum tíma var þess
valdandi að hann þurfti að selja
bátinn.
Haustið 1963 fluttu foreldrar
okkar frá Siglufirði til Hafnarljarð-
ar þar sem þau keyptu sér lítið
hús. Faðir okkar hóf þá störf hjá
Sænsk-íslenska frystihúsinu þar
sem hann sá um uppsetningu á
netum og trollum fyrir báta frysti-
hússins, en hann var mjög fær
maður, bæði í gerð neta og trolla,
þó ekki hefði hann neina sérstaka
menntun til þess nema reynslu sína
af sjómennsku.
Gæfan og framtíðin virtist á
þessum árum blasa við foreldrum
okkar en fljótt skipast veður í lofti.
Þegar faðir okkar var um fertugt,
varð hann fyrir því áfalli að fá heila-
blæðingu. Hann var sendur til
Kaupmannahafnar þar sem gerð
var aðgerð á honum sem lánaðist.
En ekki varð hann sami maður eft-
ir það og náði sér aldrei að fullu
aftur.
Haustið 1975 fluttu foreldrar
okkar frá Hafnai'fírði til Keflavíkur
þar sem þau hafa átt heima síðan
og vann faðir okkar við skrifstofu-
störf hjá bænum meðan heilsan
entist.
Síðustu mánuðina sem hann lifði
vissum við að þjáningar hans voru
miklar en hann talaði samt ekki
mikið um þær.
Faðir okkar hneigðist æ meira
hin síðari ár til andlegra og trúar-
legra málefna og vissu um líf eftir
dauðann og er það nokkuð víst að
sú trú hefur styrkt hann og gefið
honum þann frið sem flestir menn
þrá þegar þeir skynja að stundin
nálgist.
Öllum mönnum er gefinn einhver
gáfa eða hæfileiki og fer það eftir
hveijum og einum ög umhverfisskil-
yrðum hvernig menn þroska og hlúa
að þeim hæfileika. Faðir okkar
hafði eina slíka gáfu, en það var
að mála. Hann var það sem sumir
kalla frístundamálari og hafði und-
anfarin 30 ár málað þegar tími
gafst til. Hann bjó yfir miklum
hæfileikum á þessu sviði og hefði
e.t.v. náð langt ef skólagöngu hefði
notið við en hún varð ekki hlut-
skipti hans.
Við, börn hins látna, biðjum Guð,
sem faðir okkar trúði svo sterkt á
hin síðari ár, að styrkja hann á hinu
nýja tilverustigi sem hann var sann-
færður um að biði hans. Móður
okkar, Sigríði Júlíusdóttur, sem alla
tíð var honum tryggur lífsförunaut-
ur, vinur og styrk stoð í veikindum
hans, biðjum við Guð að blessa. Við
erum með henni í hjarta okkar.
... Drottinn heyr þú bæn mína og hróp
mitt berist fyrir þig. Byrg eigi auglit þitt
fyrir mér, þegar ég er í nauðum staddur;
hneig að mér eyra þitt, þegar ég kalla, flýt
þér að bænheyra mig...
(Úr Sálmunum)
Blessuð sé minning föður okkar.
Börn hins látna.
+
Systir okkar,
er látin.
REBEKKA GUÐMUNDSDÓTTIR,
Leifsgötu 10,
Rannveig Guðmundsdóttir,
Theodór Guðmundsson.
t
Ástkær eiginmaður minn,
MAGNÚS ELÍASSON
frá Nesi í Grunnavík,
andaðist á heimili sínu Aðalstræti 25, ísafirði, þann 26. mars.
Björney Björnsdóttir.
+
Ástkær eiginkona mín,
KATRÍN FRIÐBJARNARDÓTTIR,
Hallbjarnarstöðum,
Tjörnesi,
andaðist í Landspítalanum sunnudaginn 24. mars.
Jarðarförin auglýst síðar.
Árni Kárason.
+
Eiginkona mín, móðir okkar, tengdamóðir og amma,
HELGA RAGNHEIÐUR SIGURBJÖRNSDÓTTIR,
verður jarðsungin frá Fossvogskirkju miðvikudaginn 3. april
kl. 10.30.
Blóm og kransar vinsamlegast afþakkaðir en bent er á Krabba-
meinsfélag íslands.
Gunnar Heiðdal,
börn, tengdabörn og barnabörn.
+
Innilegar þakkir fyrir vinarhug og samúð við andlát og utför sam-
býlismanns míns,
SVAVMUNDAR JÓNSSONAR,
frá Skaganesi, Mýrdal,
Eyrarvegi 24, Selfossi.
Sesselja Þorkelsdóttir.
+
Elskuleg systir okkar,
PETRlNA MAGNÚSDÓTTIR
fyrrverandi talsímakona,
Birkimel 8,
verður jarðsungin frá Neskirkju þriðjudaginn 2. apríl kl. 13.30.
Borghildur Magnúsdóttir,
Guðbrandur Magnússon.
+
Eiginmaður minn, faðir okkar, tengdafaðir og afi,
BJÖRN MAGNÚSSON,
Háaleitisbraut 42,
verður jarðsunginn frá Fossvogskirkju fimmtudaginn 4. apríl
kl. 15.00.
Guðrún H. Norðdahl,
Valgerður Björnsdóttir, Skarphéðinn Óskarsson,
Magnús Björnsson, Ásta Ásdís Sæmundsdóttir
og barnabörn.
+
Eiginmaður minn, faðir, tengdafaðir og afi,
KRISTJÁN BENEDIKTSSON
rafvirkjameistari,
Háaleitisbraut 24,
verður jarðsunginn frá Fossvogskirkju þriðjudaginn 2. apríl
kl. 13.30.
Ólöf Kr. ísfeld,
Rafn Kristjánsson, Hrafnhildur Þorgrímsdóttir,
Margrét Kristjánsdóttir, John Duncombe
og barnabörn.
+
Móðir okkar, tengdamóðir, amma og langamma,
HULDA A. H. DANÍELSDÓTTIR,
sem lést 21. mars, verður jarðsungin frá Fossvogskirkju miðviku-
daginn 3. apríl kl. 13.30.
Blóm vinsamlegast afþökkuð, en bent er á Rauða kross íslands.
Sigríður Jóhannsdóttir, Sigurður Sigfreðsson,
Eggert Sigurðsson, Hólmfríður K. Zóphóníasdóttir,
Emil Sævar Gunnarsson, Brynhildur Vilhjálmsdóttir,
Danfel Gunnarsson, Erla Vilhjálmsdóttir,
barnabörn og barnabarnabörn.
+
Ástkær eiginmaður minn, faðir okkar, tengdafaðir, afi og langafi,
GUÐMUNDUR JÓNASSON,
Bjarteyjasandi,
Hvalfirði,
verður jarðsettur frá Hallgrímskirkju, Saurbæ.miðvikudaginn
3. apríl kl. 14.00.
Þeim, sem vildu minnast hins látna, er bent á Krabbameinsfélag
(slands.
Fyrir hönd annarra vandamanna,
Guðbjörg Guðjónsdóttir.
+
Ástkær eiginkona min, móðir, tengdamóðir og amma,
ELÍSABET G. KRISTJÁNSDÓTTIR,
Lundi,
Skagaströnd,
lést í Héraðssjúkrahúsinu, Blönduósi, 21. mars.
Útförin fer fram í Hólaneskirkju, Skagaströnd, laugardaginn
30. mars kl. 14.00.
Gunnar Helgason,
Kristján Helgi Gunnarsson, Ragnheiður Sigurjónsdóttir,
Eygló Kristín Gunnarsdóttir, Guðmundur Ólafsson,
Unnur Ingibjörg Gunnarsdóttir, Vilmar Þór Kristinsson
og barnabörn.
+
Ástkær eiginmaður minn, faðir okkar, tengdafaðir, afi og langafi,
HALLDÓRPÉTURSSON,
Hólmgarði 2a,
Keflavík,
sem lést á heimili sinu 22. mars sl.’, verður jarðsunginn frá
Keflavíkurkirkju þriðjudaginn 2. apríl kl. 14.00. Jarðsett verður í
Hafnarfjarðarkirkjugarði.
Þeim, sem vildu minnast hans, er bent á Krabbameisfélagið.
Sigríður Júlíusdóttir,
Jóhann Pétur Halldórsson, Ingileif Björnsdóttir,
Júlíus Halldórsson, Maria Gunnlaugsdóttir,
Ingibjörg Halldórsdóttir, Ólafur Guðmundsson,
Björg Guðný Halldórsdóttir,
Sigurður Halldórsson,
barnabörn og barnabarnabörn.
J