Morgunblaðið - 13.03.1999, Blaðsíða 2
2 LAUGARDAGUR 13. MARZ 1999
MORGUNBLAÐIÐ
FRÉTTIR
Bandalag nmm þjóða gegn
styrkjum til sjávarútvegs
ISLAND, Bandaríkin, Ástralía, Nýja-Sjáland og
Filippseyjai- hafa lagt fram sameiginlega áskorun
fyrir fjögurra daga fund hjá Alþjóðaviðskipta-
stofnuninni, WTO, í næstu viku, um að ríkisstyrkir
í sjávarútvegi verði aflagðir. Er þessari áskorun
einkum talið vera beint gegn Evrópusambandinu
og Japan. Að mati Alþjóðabankans renna á milli
14-20 milljarðar dollara til niðurgreiðslna í sjávar-
útvegi á hverju ári. Þorsteinn Pálsson sjávarút-
vegsráðherra kveðst hafa orðið var við verulegan
stuðning við þessi sjónarmið á ráðherrafundi í
Róm í vikunni.
Er skorað á aðrar ríkisstjórnir að skuldbinda
sig til að afnema sjávarútvegsstyrki í áföngum þar
sem slíkt leiði til ofveiði og brenglunar í alþjóðleg-
um viðskiptum með sjávarafurðii'. Lagt er til að
viðræður hefjist innan WTO um að aðildarríkin
134 nái samkomulagi um þetta.
Ólafur Ragnar Grímsson, forseti íslands, og Þor-
steinn Pálsson sjávarútvegsráðherra gerðu ríkis-
styrki í sjávarútvegi að umræðuefni á fundi FAO í
Róm í vikunni.
„Við höfum verið að berjast fyrir því að fá fram
viðurkenningu á því að ríkisstyrkir séu óeðlilegir í
sjávarútvegi. Við höfum tekið það upp víða, meðal
annars á FAO-fundinum í vikunni og höfum haft
uppi áform um að taka það upp víðar. Við höfum
fundið að það er mikill áhugi á málinu hjá mörgum
þjóðum, þar á meðal þessum fimm þjóðum. Það er
verið að undirbúa fund þar sem meðal annars verð-
ur rætt um þetta viðfangsefni. Þessar fimm þjóðii’
og fleiri munu taka þátt í þeim umræðum. Hug-
myndin er að gera þetta að umræðuefni innan Al-
þjóðaviðskiptastofnunarinnai'. I undirbúningi eru
nýjar viðræður á þeim vettvangi um frekaii skref
um afnám viðskiptahindrana og þetta verður
áhersluatriði af okkar hálfu,“ sagði Þorsteinn.
Stuðningur almennari en áður
Hann kveðst hafa fundið sterkan straum í þessa
átt á ráðherrafundinum í Róm: „Það er greinilegt
að það er að verða miklu almennari stuðningui- við
þetta sjónarmið sem við höfum haldið á lofti en
verið hefur um langan tíma. Menn eru að byrja að
ræða saman en formlegt samstarf er ekki hafið.
Það eru fyrst og fremst Japanar og Evrópusam-
bandið sem hafa haft foimstu fyrir verndarstefnu
og niðurgreiðslum í sjávarútvegi og styi'kjum."
Hann sagði það hafa gn'ðarlega mikla þýðingu
fyrir hagsmuni íslands að ryðja úr vegi við-
skiptahindrunum og að tryggja jafna samkeppn-
isstöðu.
„Við erum í hópi örfárra þjóða sem reka sjávar-
útveg á markaðsgrundvelli án ríkisstyrkja. Það
skiptir því miklu máli að jafna samkeppnisstöðu
íslensks sjávarútvegs og þar eru ríkisstyrkirnir
mjög mikilvægfr.^ Það koma einnig inn í þetta
fleiri sjónarmið. Ég hef lagt á það ríka áherslu á
alþjóðlegum vettvangi að afnám ríkisstyrkja er
ein áhrifamesta aðferðin til að stuðla að ábyrgum
fiskveiðum. Það er í fullkominni andstöðu við þau
sjónarmið sem uppi eru um að fiskveiðar séu
stundaðar með ábyrgum hætti þegar ríkisstjórnir
eru á sama tíma að kosta miklu fjármagni til þess
að styrkja framleiðslu fiskiskipa sem einvörðungu
stuðla að ofveiði. Það er augljóst að þessum sjón-
armiðum vex fiskur um hrygg og það var veru-
lega tekið undir þau á fundinum í Róm. Við vitum
að innan ESB og í Japan hefur verið helst and-
staða við þessi sjónarmið en eftir því sem fleiri
þjóðir koma með í þessa baráttu því meiri eru lík-
urnar til að menn nái árangri,“ sagði Þorsteinn.
Sælkeraferð
til Parísar fyr-
ir áskrifendur
ÁSKRIFENDUR Morgunblaðsins
eiga kost á að fara í sælkeraferð til
Parísar með matar- og vínsérfræð-
ingi Morgunblaðsins 9.-12. apríl nk.
Steingrímur Sigurgeirsson, sem
þekkir vel matar- og vínmenningu
Frakka, verður fararstjóri og hann
mun svara fyrirspurnum á söluskrif-
stofu Flugleiða í Kringlunni í dag kl.
14-16.
Flogið er til Parísar á föstudegi
og gist á Home Plaza Bastille í þrjár
nætur. Innifalinn í ferðinni er kvöld-
verður á Brasserie La Coupole. Ef
næg þátttaka fæst geta ferðalangar
valið um dagsferð í kampavínshéruð
í nágrenni Parísar þar sem tveir
stórir fi-amleiðendur, Bolinger og
Veuve Clicquot, verða heimsóttir í
kjallarana, ferð í Versali, skoðunar-
ferð á Louvre-safnið og/eða kvöld-
verð á glæsilegasta veitingastað
Parísar, La Tour d’Ai-gent.
Takmarkaður sætafjöldi er í boði
en bókanir í ferðina fara fram á
söluskrifstofu Flugleiða í Kringlunni
ídag.
Samkeppnisráð fellur ekki frá banni
við miðdegisflugi FÍ til Egilsstaða
Virk sam-
keppni nái
að þróast
SAMKEPPNISRAÐ ákvað á fundi
sínum í gær að falla ekki frá tíma-
bundnum skilyrðum um að Flugfé-
lag íslands lagi sig ekki að brottfar-
artímum keppinautarins, Islands-
flugs, í Egilsstaðaflugi. „Tilgangur-
inn með þessari ákvörðun er ekki
að vernda keppinaut Flugfélags Is-
lands. Með ákvörðuninni eru sam-
keppnisyfirvöld að stuðla að því að
virk samkeppni nái að þróast á
flugleiðinni og um leið að bættum
hag neytenda,“ segir í fréttatil-
kynningu Samkeppnisstofnunar um
málið.
Við sameiningu innanlandsflugs
Flugleiða og Flugfélags Norður-
lands í Flugfélag Islands hf. vorið
1997 settu samkeppnisyfirvöld það
skilyrði að Flugfélagi Islands væri
óheimilt um þriggja ára skeið að
laga brottfarartíma félagsins að
brottfarartimum keppinauta þess.
„Þetta tímabundna skilyrði var sett
í því skyni að koma í veg fyrir að
fyrrum einkaleyfishafi gæti í skjóli
yfirburðarstöðu hindrað að minni
flugfélög næðu að hasla sér völl á
þessum markaði. Skilyrðið breytti
hins vegar engu um að Flugfélag
íslands gæti áfram veitt þá þjón-
ustu sem félagið (forverar þess)
veitti meðan það hafði einkaleyfi og
aukið þjónustuna svo framarlega
sem tilgangurinn væri ekki sá að
kippa fótunum undan keppinautun-
um,“ segir í fréttatilkynningu um
forsendur úrskurðar samkeppnis-
ráðs.
Útilokar keppinautinn
Eftir að innanlandsflugið var gef-
ið frjálst á árinu 1997 ákvað Flugfé-
lag Islands að halda áfram að fljúga
til Egilsstaða að morgni og kvöldi
enda hafa flestir farþegar valið að
fljúga þá. Islandsflug bauð hins
vegar flug um miðbik dagsins og
taldi möguleika sína í samkeppninni
felast í því. Fram kemur hjá Sam-
keppnisstofnun að sætanýting ís-
landsflugs í miðdegisfluginu hefur
ekki verið með þeim hætti að rými
sé fyrir tvö flugfélög á þessum tíma.
Engu að síður hafi Flugfélag ís-
lands boðað að það hygðist einnig
hefja flug á þessum tíma. „Það er
vandséð að þetta flug Flugfélags ís-
lands þjóni öðrum tilgangi en að ýta
íslandsflugi alfarið út af þessari
flugleið," segir Samkeppnisstofnun.
Það er mat samkeppnisyfirvalda
að samkeppni í Egilsstaðaflugi hafí
skilað neytendum verulegri verð-
lækkun frá því sem var þegar
einkaleyfi voru í gildi. Jafnframt
hafi tíðni ferða og sætaframboð
aukist. Til þess að treysta sam-
keppnina enn frekar í sessi megi
ekki slaka á þeim skilyrðum sem
sett voru í tengslum við afnám
einkaleyfis til Egfisstaða.
__ Rannsókn lokið á þætti
íslendinga í spillingarmáli
NOKKRIR íslendingar hafa verið yf-
irheyrðir í tengslum við spillingarmál
fyrrum framkvæmdastjóra skrifstofu
Barnahjálpar Sameinuðu þjóðanna í
Kaupmannahöfn. Ekki hefur verið
tekin ákvörðun um hvort ástæða þyki
til að gefa út ákæru á hendur mönn-
unum en rannsókn efnahagsbrota-
deildar ríkislögreglustjóra á málinu
er lokið.
Framkvæmdastjórinn fyrrverandi,
sem er norskur, sætii- rannsókn
danskra, norskra og sænskra yfir-
valda. Hann er sakaður um fjárdrátt,
spillingu og auðgunarbrot í starfi.
Mál Norðmannsins teygði sig til
íslands með þeim hætti að hann átti
viðskipti við eitt fyrirtæki á íslandi
fyrir um tveimur árum. Barnahjálp-
in keypti vörur af fyrirtækinu, þar á
meðal dýran jeppa sem rann síðan til
mannsins sjálfs til einkanota. Beind-
ist rannsókn ríkislögreglustjóra að
viðskiptunum sjálfum ogvoru nokkr-
ir íslendingar yfii-heyrðir vegna
þeirra. Var m.a. unnið að því að upp-
lýsa hvort þeir hefðu vísvitandi tekið
þátt í broti mannsins þannig að jepp-
inn hefði farið með ólöglegum hætti
til mannsins til einkanota þrátt fyrir
að hann hefði verið keyptur í nafni
Barnahj álparinnar.
Morgunblaðið/Valdimar Kristinsson
Flutninga-
bíll á hliðina
FLUTNINGABIFREIÐ frá
Grundarfirði fór út af veginum
í Kerlingarskarði um klukkan
hálf fjögur í gær og valt á hlið-
ina. Talið er að ökumaðurinn
hafí misst stjórn á bílnum þegar
vindkviða feykti honum til.
Ökumaðurinn var einn í bflnum
og slapp ómeiddur. Bfllinn var
að flytja salt norður yfir skarð-
ið og var unnið að affermingu
hans í gær. í gær var ekki vitað
um skemmdir á bflnum sjálfum
en reiknað var með að hann
yrði sóttur í dag.
BLAÐAUKI um
fermingar fylgir
Morgunblaðinu í
dag. Þar er fjailað
um ferminguna
frá ýmsum sjónar-
hornum, rætt við
fermingarbörn og
foreldra, skoðað-
ar fermingarmynd-
ir af þekktum ís-
lendingum o.fl.
I