Morgunblaðið - 13.03.1999, Blaðsíða 82

82 LAUGARDAGUR 13. MARZ 1999
MORGUNBLAÐIÐ
Matur og matgerð
Forréttir
með melónu
Kristín Gestsdóttir er farin að hlakka
til vorsins og komu fuglanna, einkum
kríunnar, sem nú er lögð af stað út á
Atlantshafið frá ísjaðrinum við suðurskautið
þar sem hún fellir flugfjaðrirnar.
VÍÐA um heim eru melónur not-
aðar í forrétti. Þær henta mjög
vel með alls konar skelfiski,
reyktum laxi og silungi svo og
skinku. Lengi vel fengust ekki
aðrar melónur hér en hun-
angsmelónur og einstaka sinnum
vatnsmelónur. Melónur þola
flutning illa og þurfa helst að
þroskast á plöntunni áður en þær
eru tíndar til þess að þær séu
verulega ljúffengar, en erfitt er
að flytja mikið þroskaðar melón-
ur langan veg. Hin síðari ár hafa
flutningsmóguleikar breyst mjög
og við fáum melónur frá öllum
heimshlutum og alltaf fást nokkr-
ar tegundir, þó algengust og
ódýrust sé t hin gula hun-
angsmelóna. Ýmsar tegundir eru
hér á markaði t.d.
CHARENTAIS, sem er með app-
elsínulitað aldinkjöt, OGEN sem
er lítil, ljós og yrjótt, GALÍA er
gul/græn netmelóna, hvítgræn að
innan og KANTALUPMELÓNA
sem er sú allra besta, mjög ljúf-
feng og sæt. Hún er nefnd eftir
þorpi einu nálægt Róm, nafnið
þýðir úlfsvæl, en mér er fremur í
huga englasöngur þegar ég borða
hana.
Fyrst er hér einfóld og afar góð
uppskrift af forrétti með mörgum
tegundum af melónum, sem eru
með mismunandi litað aldinkjöt.
Hver og einn verður að meta
hversu mikið fer í salatið. Aldin-
kjötið má skera á ýmsa vegu, t.d.
búa til kúlur með lítilli kúlulagaðri
skeið, teninga og aflangar ræmur
eða skera í sneiðar og móta með
litlum piparkökumótum.
Blandað
melónusalat
epladjús, klippið mintu saman við
og hellið yfir.
3. Berið fram í smáskálum eða
víðum glösum á fæti.
Skinka með
melónum og vín-
berjum
1 meðalstór hunangsmelóna
8 sneiðar skinka
nokkur steinalaus falleg vínber,
helst dökk
rósapipar
8 tannslönglar
1. Þvoið melónuna, skerið í
tvennt og síðan í 8 rif. Fjarlægið
steina.
2. Vefjið skinkusneiðarnar upp
og festið saman með tannstöngl-
um, setjið vínber á hvern tann-
stöngulsenda og stingið í aldinkjöt-
ið. Látið melónusneiðar standa á
hýðinu og mynda eins konar
stjörnu. Setjið vínber í miðjuna.
3. Malið rósapipar yfir, en stráið
líka nokkrum heilum kornum á.
Melónusneiðar
með laxi eða
rækjjum
1 melóna
nokkur salatblöð
nokkrar mjóar ræmur reyktur lax
lerskt dill
nokkrar stórar rækjur
fersk steinselja
sýrður rjómi
Biti af vamsmefónu
1 hunangsmelóna
'/2-1 stk af þeim melónutegundum sem ykkur henlar
nokkur blöð fersk minta (nota mó þurrkaða)
epbdjús + ögn oi sítrónusafa
1. Afhýðið melónurnar, fjarlægið
steina úr miðju og úr aldinkjöti
vatnsmelónu. Skerið á ýmsan hátt
eins og segir hér að ofan. Setjið í
stóra skál.
2. Setjið sítrónusafa saman við
1. Setjið eitt salatblað á hvern
disk.
2. Skerið melónuna þversum í
um 2 sm þykkar sneiðar. Fjarlæg-
ið steina. Skerið síðan hverja sneið
Í3bita.
2. Setjið laxaræmu á helming-
inn, sjá meðf. teikningu. Skreytið
með dillgrein.
3. Raðið nokkrum rækjum á
hinn helming sneiðanna, setjið ögn
af sýrðum rjóma undir svo að þær
tolli á, skreytið með steinselju.
I DAG
VELVAKAMM
Svarað í síma 569 1100 frá 10-12 og 13-15
frá mánudegi til föstudags
Svartklædda
konan
MÉR fannst ég ekki geta
annað en skrifað og hrósað
leikritinu „Svartklæddu
konunni" sem verið er að
sýna í Tjarnarbíói um
þessar mundir. Reyndar
verð ég að segja að ég var
ekkert mjög spennt að
fara að sjá þetta verk og
líklega hefði ég ekki farið
ef mér hefði ekki verið
boðið. Leikritið er sagt
vera hrollvekjuleikrit og
stendur síðari hlutinn vel
undir því nafni.
Oft fann ég kuldahroll-
inn hríslast niður bakið á
mér, þó ekki vegna þess
sem ég sá, heldur frekar
vegna þess sem ég ekki sá.
Mikið var spilað með
ímyndunarafl áhorfandans
í stað þess að mata hann á
öllu.
En það sem kom mér
mest á óvart var fyrri hluti
verksins. Hann var nefni-
lega bráðfyndinn. Hug-
myndin af leikritinu er
einnig mjög sniðug. Ann-
ars vegar fjallar það um
leikstjóra og manninn sem
vill að hann segi sögu sína
og hins vegar þeir tveir að
leika söguna.
Leikararnir Vilhjálmur
Hjálmarsson og Viðar Eg-
gertsson skila sínu mjög
vel og leikmyndin er ein-
föld en mjög skemmtileg.
Ég get ekki annað en
hvatt fólk sem hefur gam-
an af að fara í leikhús til að
fara og sjá þetta verk, sjá
kómediu og hrollvekju í
sama verkinu.
Fjóla Hersteinsdóttir.
Jónas með góða
útvarpsþætti
ÉG vil vekja athygli á því
að Jónas nokkur Jónasson
útvarpsmaður er einn af
bestu menningarfrömuðum
í útvarpinu. Þættir hans
hafa vakið mikla og verð-
skuldaða athygli og vil ég
nefha sérstaklega kvöld-
þáttinn á föstudögum. Eins
hefur hann verið með
nokkra þætti sem heita
„Hratt flýgur stund" og
tekur þá upp úti á lands-
byggðinni og nær upp
svona glimrandi hæfileikum
hjá því fólki sem hann ræð-
ir við. Það er ekki aðeins
það að þetta séu úrvals-
þættir, heldur vil ég meina
að þessir þættir eigi sinn
þátt í að gera hinni marg-
umtöluðu byggðastefhu
mikið gagn með því bæði að
kalla fram þessi menning-
aráhrif sem verður til þess
að örva fólkið í landinu,
þannig að það unii' betur úti
á landsbyggðinni. Ég held
að enginn hafi bent á þessi
áhrif frá þáttum hans. Ég
held að það sé áreiðanlega
mikils virði að leggja eitt-
hvað í þessa þætti því þá
eru landsbyggðarmenn
komnir inn í hringiðu svo-
kallaðrar menningar og
þurfa ekki að sækja hana tíl
Reykjavíkur. Það koma
ekki allir auga á þetta, en
þetta stórt atriði í þá átt að
bæta menningu í landinu,
fólkið er komið í eina stóra
menningarheild í gegnum
útvarpið.
Útvarpshlustandi.
Sammála
í VELVAKANDA mið-
vikudaginn 10. mars skrif-
ar sjúklingur um ónæði á
spítölum. Vil ég koma því á
framfæri að ég er honum
hjartanlega sammála.
Finnst mér að meira tillit
þurfi að taka til þess að
það er misjafnlega veikt
fólk sem liggur saman á
stofu og sumir þola alls
ekki að haft sé bæði sjón-
varp og útvarp á stofunni.
Vil ég þakka sjúklingi fyrir
þarfa ábendingu.
Aðstandandi.
Tapað/fundið
Veski týndist
á Glaumbar
LÍTIL hliðartaska var
tekin í misgripum á
Glaumbar fimmtudaginn
4. mars. Veskið er lítið og
svart og hýsti lykklakippu
með bíl- og húslykkli.
Sá/sú sem tók veskið í
misgripum vinsamlega
hafið samband við Berg-
lindi í síma 869 3056.
Sólgleraugu týndust
EFTIR hádegi laugar-
daginn 6. mars sl. týnd-
ust, sennilega nálægt Jap-
is í Brautarholti, sólgler-
augu sem smellt er á
venjuleg gleraugu. Þetta
er sérstök stærð og lögun
sem passar varla á nein
önnur gleraugu og því
dýrmæt. Finnandi vin-
samlega hafi samband við
Helga í síma 581 1927 eða
vs.: 560 3365.
Kvenúr týndist
KVENÚR Delma, gyllt
með gylltri keðju, týndist
1. mars, annaðhvort við
Endurvinnsluna í Knarr-
arvogi eða í Holtagörðum.
Skilvís fmnandi hafi sam-
band í síma 568 2334.
Slæða og hanskar
týndust
STÓR slæða með brúnu og
svörtu munstri og svartir,
fóðraðir leðurhanskar
týndust við Bæjarhraun 16
7. febrúar. SkiMs finnandi
hafi samband í síma
568 2334.
Morgunblaðið/Golli
Víkverji skrifar...
ÞAÐ ólu margir þá von í brjósti,
þegar Bandaríkjaþing sýknaði
Bill Clinton Bandaríkjaforseta, að
þeirri umræðu myndi loks linna, sem
staðið hefur sleitulaust frá því í janúar
á síðasta ári. Hvergi hefur fjölmiðla-
fárið verið meira en í Bandaríkjunum,
þar sem sjónvarpsstöðvar þær, sem
einbeita sér að fréttaflutningi allan
sólarhringinn, hafa fjallað um fátt
annað en samband forsetans við Mon-
ieu Lewinsky og öll þau hliðarmál er
spunnist hafa út frá því.
Þegar Víkverji var staddur í Was-
hington á dögunum komst hann að því
að ekkert lát virðist vera á þessu fjöl-
miðlafári. Gafst hann fljótlega upp á
að reyna að kveikja á sjónvarpinu á
hótelherbergi sínu því aldrei þessu
vant voru mál Lewinsky og Clintons
yfirleitt tfl umræðu.
Líklega verða Víkverji og aðrir
áhugamenn um fréttir einfaldlega að
kyngja því að þetta mál verði áfram
ofarlega á baugi næstu mánuði og
jafnvel ár því nú fara bækurnar um
málið að streyma á markaðinn. Rit
þeirra Andrews Mortons og Monicu
Lewinsky hefur þegar vakið mikið
umtal og mun eflaust tróna á sölulist-
um næstu vikur vestan hafs sem aust-
an. Þá er bók Georges Stephanopou-
los að koma á markaðinn og einnig
mun annar fyrrverandi blaðafulltrúi
forsetans, Dee Dee Myers, vera með
bók í smíðum. Við þetta bætast bækur
blaðamanna á borð við Michael Isikoff
og Christopher Hitchens, er fylgst
hafa með málinu og líklega verður
ekki hjá því komist, þótt fæstir hlakki
líklega tá þess, að Linda Tripp helgi
sig ritsmíðum. Allar munu þessar
bækur eflaust fá mikið rými í spjall-
þáttum bandarískra sjónvarpsstöðva.
Þetta er því rétt að byrja.
VIKVERJI hefur aldrei reykt síg-
arettur og hefur haft takmarkað
umburðarlyndi í garð reykingamanna
í gegnum tíðina. Þannig eru sígarettu-
reykingar ekM leyfðar á heimili Vík-
verja, jafnvel þótt góðir gestir séu
annars vegar. Hann hefur hins vegar
haft efasemdir um hversu langt eigi
að ganga með lögboði að setja reglur
um það hvar megi reykja og hvar
ekki. Reynsla Víkverja í Washington
bendir til að varasamt geti verið að
fara of geyst í þessum efnum.
Kvöld eitt fór Víkverji asamt eigin-
konu sinni á veitingastaðinn Café
Milano í Georgetown, sem er hreint út
sagt frábær ítalskur veitingastaður,
er nýtur mikilla vinsælda jafnt vegna
afbragðs matreiðslu sem góðs and-
rúmslofts.
Þetta var á föstudagskvöldi og
erfitt að fá borð á staðnum. Eftir
nokkra bið var Víkverji spurður hvort
í lagi væri að um reyklaust borð yrði
að ræða. Því var svarað játandi og
voru Víkverji og kona hans teymd í
gegnum matsalinn sem iðaði af lífi og
ilmaði af ítölskum mat, hvítlauk,
kryddjurtum og vindlareyk. Eftir að
gengið hafði verið upp tröppur var
vísað til borðs í fallegum matsal, tölu-
vert minni. Ekki var hægt að setja
neitt út á salinn sjálfan, hann var
smekklega skreyttur með listaverkum
og vínrekkum er þöktu veggi og loftið
var vissulega hreint. Salurinn var hins
vegar dauður og einungis setið við eitt
annað fjögurra manna borð. Her
þjóna þjónaði þessum hræðum er
fengið höfðu sæti í reyklausa salnum
og maturinn var vissulega óaðfinnan-
legur þótt óneitanlega spillti það fyrir
að heyra gleðióminn af neðri hæðinni.
Eftir nokkra stund kom þjónn all-
vandræðalegur til Víkverja og spurði
hvort í lagi væri að einn gestanna við
hitt borðið reykti sígarettu. Var leyfi
fyrir því góðfúslega veitt og þökkuðu
gestirnir á hinu borðinu kærlega fyrir
sig, greinilega jafnósáttir við hlut-
skipti sitt.
Sem betur fer sá yfirþjónninn í
salnum aumur á Víkverja og konu
hans þegar leið á máltíðina og spurði
hvort hann ætti að reyna að útvega
borð í aðalsalnum. Það var þegið
með þökkum og gat Víkverji því lok-
ið máltíðinni í góðu yfirlæti og notið
þeirrar stórkostlegu stemmningar er
myndaðist í salnum þegar leið á
kvöldið.