Morgunblaðið - 03.05.2000, Blaðsíða 39

MORGUNBLAÐIÐ
MIÐVIKUDAGUR 3. MAÍ 2000 39
LISTIR
Nokkuð góður
samhljómur
TONLIST
Háteigskirkja
NORRÆNA KVENNA-
KÓRAMÓTIÐ
Ýmis inn- og erlend lög. Kvenna-
kórinn Lissý u. slj. Roars Kvam.
Pianóundirleikari: Aladár Rácz.
Föstudaginn 28. apríl kl. 20.
MEÐAL gestakóra á fyrsta nor-
ræna kvennakóramótinu á íslandi
var Lissý, kór Kvenfélagasam-
bands Suður-Þingeyjarsýslu, er
skipuðu um 28 konur á tónleikum
kórsins í Háteigskirkju s.l. föstu-
dag; flestar á bezta aldri eins og
sagt er. Það mátti og að sumu leyti
heyra á söngmátanum, sem minnti
stundum eilítið á áhugamannakór-
söng áður fyrr á árunum, þegar
rennt var upp í og milli tóna og
þindarstuðningur nánast óþekktur.
Sem betur fór var það ekki einhlítt
einkenni, en samt nógu mikið inni
á milli til að vekja athygli.
Annars var samhljómur kórsins
í heild nokkuð góður, og sérstak-
lega dýnamísk mótun hans var oft
fáguð og músíkölsk, eins og vel
kom fram í t.a.m. Þei, þei og ró, ró
Björgvins Guðmundssonar. Efnis-
skráin var allfjölbreytt, 8 íslenzk
lög eldri og yngri og 9 erlend, ým-
ist með eða án píanóundirleiks.
Meðal björtustu dagskráratriða
má nefna Glaðværð, hressan polka
eftir Askel Jónsson (með að vísu
fulllöngum millispilskafla) sem
tókst vel þrátt fyrir smáfip á ein-
um stað, Gamla Nóa Bellmans í
fjölbreyttri útsetningu ónefnds út-
setjara, Norna-slag Björgvins sem
var n.k. darraðarljóð eða valkyrju-
reið við píanóútdrátt höfundar á
ólgandi Wagnerskri stórhljóm-
sveit, fallegan veikan söng í
Vöggukvæði Emils Thoroddsens
(Litfríð og ljóshærð), Spunakórinn
úr Hollendingnum fljúgandi eftir
Wagner (þótt hefði mátt vera
hraðari og kraftmeiri) og ekki sízt
Summertime úr Porgy and Bess
eftir Gershwin, þar sem leyni-
tromp kórsins, Hildur Tryggva-
dóttir, söng glæsilegan einsöng og
alveg í réttum stíl, nema hvað nið-
urlagsgliss-strófunni virtist ofauk-
ið. Allt hlaut ágætar undirtektir,
sem jukust eftir því sem á leið.
Svo farið sé yfir debethliðina var
það fyrst og fremst áðurnefnd
gliss-forneskja, ásamt stundum
lafandi tónstöðu í hæðinni, sem
átti til að setja svolítinn dapran
svip á sumt, t.d. í Kom unga vor
(Áskell Jónsson), Við gengum tvö
(Friðrik Jónsson, úts. Róar
Kvam), Vorgyðjan kemur (Arni
Thorsteinsson, úts. Jakob
Tryggvason), hollenzka laginu
Þakkargjörð (sem hneig mikið
fram að forte-niðurlagserindinu),
Hymn to freedom (Oscar Peter-
son), sem var frekar dauft, og í
Gleðisöngspolka J. Strauss eldri,
sem hefði mátt vera hreinna á efri
nótum. Barnagæla Griegs
var fremur hjákátleg
reynsla; sungin með
kattarmjálmi og öðr-
um „effektum og
einsöngskonurnar
tvær auk þess svo-
lítið óstyrkar, enda
látnar standa fyrir
framan stjórnand-
ann, sem varla kunni
góðri lukku að stýra.
Alleluia-lokaþátturinn úr
Exultate, jubilate eftir Mozart var
umritun úr kröfuharðri kantötu
fyrir einsöngssópran og átti tæp-
ast við í þessu samhengi, enda
flúrsöngslínurnar vandviðráðan-
legar fyrir jafnvel góðan atvinnu-
einsöngvara, hvað þá fyrir áhuga-
mannakór. Aheyrendur - sem
virtust flestir konur, þ. á m. félag-
ar úr öðrum kvennakórum - létu
það sér engu að síður vel líka, og
undirtektir þeirra urðu miklar og
hlýjar út í gegn.
Ríkarður Ö. Pálsson
Norrænir
kvennakórar
TONLIST
Ráðhús Reykjavfkur
NORRÆNT
KVENNAKÓRAMÓT
Þrír norrænir kórar sungu:
Kvennakór Bolungarvíkur, píanó-
leikari Guðrún B. Magnúsdóttir,
stjómandi Margrét Gunnarsdóttir;
Midt-Norsk Damekor, stjórnandi
Tove Ramlo og Kvennakór Reykja-
víkur, píanóleikari: Þórhildur
Bjömsdóttir, fiðluleikari Szymon
Kuran, stjórnandi Sigrún Þorgeirs-
dóttir. Laugardagskvöld kl. 22.
ÞRÍR kvennakórar sungu saman í
Ráðhúsinu klukkan tíu á laugardags-
kvöldið. Þar var jafn fjölmennt og á
fyrri tónleikum kvennakóramótsins.
Kvennakór Bolungarvíkur söng
fimm lög. Af áhugamannakór úr fá-
mennu sjávarþorpi að vera er
kórinn nokkuð góður. Hann
vantar þó meiri hljóm og í
fyrsta sópran vantar
fleiri bjartar og þéttar
raddir. Lögin Country
Gardens og To a Wild
Rose voru fremur lit-
laus, sumpart vegna
þess að þau voru texta-
laus og sungin á sér-
hljóða, en þau hefðu náð
betra skriði í örh'tið rösklegri og
jafnari flutningi. Bréfið hennar Stínu
var prýðilega flutt, en það skyggði á
kórinn hvað píanóleikurinn var
sterkur og grófur. Besta lag Kvenna-
kórs Bolungarvíkur var Bella síma-
mær, sem var glaðlega og músíkalskt
sungið.
Midt-Norsk Damekor er í rauninni
sex sjálfstæðir kórar frá Mið-Noregi,
sem steypt var saman í eina heild
fyrir kóramótið hér. Söngur kórsins
bar þessa líka merki, því kóramir
hafa auðheyrilega ekki fengið nægan
tíma til að „syngja sig saman“ í eina
heild. Kórstjórinn, Tove Ramlo, var
þó afbragðsgóður og athyglisvert að
*
Islenzk Satchmo og
fínnsk Mouskouri
TOIVLIST
Háteigskirkja
NORRÆNA
KVENNAKÓRAMÓTIÐ
Ýmis inn- og erlend lög. Léttsveit
Kvennakúrs Reykjavíkur u. s(j. Jó-
hönnu Þórhallsdóttur; píanóundir-
leikari: Aðalheiður Þorsteinsdóttir.
Finnski kvennakórinn Oriveden
Naislaulajat; sljórnandi og pianó-
undirleikari: Irene Kuusirati.
Föstudaginn 28. apríl kl. 22.
ÞAÐ var nett uppákoma en heldur
stutt, seinni tónleikar norræna
kvennakóramótsins í Háteigskirkju
s.l. föstudagskvöld, því söngurinn
stóð aðeins um 45 mín. Bjuggust
margir sjálfsagt við meiru, úr því
ekki einn heldur tveir kórar áttu hlut
að málum, hvor í sínu lagi, þ.e.a.s.
Léttsveit Kvennakórs Reykjavíkur
og síðan Oriveden Naislaulajat frá
Finnlandi. Einnig kom á óvart um-
fjöllun tónleikaskrár um finnsku
gestina, því hún var einungis á
finnsku og ólíklegt að margir hér-
lendra tónleikagesta hafi haft telj-
andi gagn af henni.
Léttsveitin sem svo heitir er að-
eins ein af mörgum sérdeildum í
söngveldi Kvennakórs Reykjavíkur
og ætti nafni samkvæmt að fást við
„létta tónlist", hvað svo sem það nú
er nákvæmlega. Það sem einum er
létt er öðrum leitt, og hætt við að
fyrstu lög kórsins frá endurreisnar-
tíma hafi komið yngra fólki í leit að
nútímahoppi og híi í opna skjöldu, þó
að þeir sem kynnzt hafa söngvasjóði
16. aldar viti betur. Hvað getur t.d.
verið léttara en hænsnagaggs-chans-
on Passereaus fyrir blandaðan kór,
II est bel et bon? Canzon Villanesca
og Mascherata eftir da Nola áttu að
vísu ekki alveg heima í þeim fjaður-
vigtarflokki, en virtust samt heldur
of hægt sungin. Sama gilti um Mon
plaint soit entendu eftir Arcadelt, þó
að rússneska lagið, Síðkvöld við sum-
arbústað, svifi um loft á hæfilegum
hraða.
Eftir stílhreinan atómaldarsálm
Karinar Rehnquist, Þú ei skalt óttast
myrkrið, fór að birta til með sveiflu-
slagaranum sígræna sem margir
halda eftir Porter, I’m beginning to
see the light, en hann var skráður á
Ellington og félaga og tókst mjög
vel. Það gerði líka lokalag Léttsveit-
ar kvenna, What a wonderful world
sem Louis Armstrong gerði frægt
fyrir aldarþriðjungi, þar sem
stjórnandinn sneri sér við og tók ein-
söngskafla í miðju laginu með lítilli
fyrirhöfn, án þess þó að herma telj-
andi eftir urri Satchmos gamla.
Jóhanna Þórhallsdóttir hefur náð
ágætum og heilsteyptum hljómi úr
kómum, og jafnvægið milli radda var
sömuleiðis til íýTÍrmyndar. Það sem
helzt ætti að standa léttleika hans
fyrir þrifum er því fyrst og fremst
stærðin. 60 manna kór verður alltaf
60 manna kór, og svigrúm til hryn-
rænna tilþrifa eftir því takmarkað.
Aðalheiður Þorsteinsdóttir lék undir
á píanó með látlausum þokka, en
hefði kannski mátt gefa aðeins meira
í annað veifið í fjarveru hrynsveitar.
Um finnska gestakvennakórinn
var flest á huldu nema finnskulæsum
áheyrendum. Hann kom fram á lit-
ríkum þjóðbúningum sem virtust
benda til vesturhluta landsins eða
Austurbotna, en annars varð maður
lítils vísari um átthaga hans. Kórinn
var fremur lítill, en söngur hans var
snotur og óþvingaður, þótt ekki bæri
hann mark atvinnumennsku, enda
dapraðist hann stundum af tónsigi.
Lagaröðin var önnur en fram kom af
tónskrá og lögin flest á finnsku, en
þó mátti bera kennsl á Tula tuulan
tuli tuli tei, barnagælut?] eftir Oskar
Merikanto og Vem kan segla förutan
vind. Verra gekk manni að nefna lag
sem einkenndist af „effektum eins og
vindhviðum, sjófuglagargi, hlátri
o.s.frv., en það var óneitanlega sér-
kennilegt og vakti þónokkra hrifn-
ingu.
I fallegu ókynntu aukalagi, sem
eftir stílnum að dæma gæti verið
grískt og fengið úr sarpi Nönu
Mouskouri, söng kórstýran unga,
sem jafnframt var píanóundirleikari,
laglegan einsöng frá slaghörpunni
með morgunlenzkulegu flúrívafi og
hlaut fyrirtaksgóðar undirtektir tón-
leikagesta, enda meðal eftirminni-
legustu atriða kvöldsins.
Ríkarður Ö. Pálsson
fylgjast með henni stjórna þessari
risahjörð 130 kvenna. Norsk þjóðlög
voru prýðilega sungin, sérstaklega
Vögguvísa frá Þelamörk. Hvile eftir
Aagathe Backer Grondahl var líka
fallegt og vel sungið lag. Vise for
gærne jinter eftir djasssnillinginn
þeirra Egil Monn Iversen var flott
lag og í góðri útsetningu, en „swing-
aði“ ekki nóg í flutningi kórsins.
Kvennakór Reykjavíkur átti
stærsta hlutinn á þessum tónleikum,
og söng tíu íslensk og norræn lög.
Það var verulega gaman að heyra í
Kvennakómum okkar og heyra hvað
honum fleygir stöðugt fram. Söngur
kórsins er agaður og einbeittur og
miklu hljómmeiri en í fyrrasumar.
Fyrsti sópran hefur eflst og þar eru
fínar raddir sem halda hljómnum
uppi. Innraddirnar eru virkilega góð-
ar og dýpsti altinn hljómmikill og
þéttur. Það er líka almennt meira líf í
söngnum; sungið út og af öryggi.
Þórhildur Bjömsdóttir lék á píanó
með kómum, en að auki spann Szym-
on Kuran með á fiðlu í nokkmm lög-
um. Það kom mjög vel út í flestum
laganna; en síst með sígildri útsetn-
ingu Jóns Asgeirssonar á Sofðu unga
ástin mín; - þar var fiðluleiknum of-
aukið. Bestur var Kuran í Dansen pá
Sunnanö, þar sem hann var sannkall-
aður „spelmann" og „fiðlaði" af öllum
sálarkröftum. Norrænu standard-
amir Váren eftir Grieg, Næturljóð
Everts Taubes og Vomótt Schraders
vom mjög fallega sungin, en best
vom þó lögin hans Fúsa, Sigfúsar
Halldórssonar, Dagný, Við eigum
samleið og Vegir liggja til allra átta,
sem vom framúrskarandi fallega
flutt í frábæram útsetningum Skarp-
héðins Hjartarsonar.
Bergþóra Jónsdóttir
Styrmir Gislason í gamanleikrit-
inu Nörd.
Nörd
á Sælu-
viku
LEIKFÉLAG Sauðárkróks sýnir í
Sæluviku gamanleikinn Nörd eftir
Larry Shue. Með aðalhlutverk fara
Styrmir Gislason, Guðbrandur J.
Guðbrandsson, Sigurlaug V. Ey-
steinsdóttir, Sigurður Halldórsson,
Sigurður F. Emilsson, Unnur E.
Bjarnadóttir og Arnar Sigurðsson.
Leikstjóri er Guðjón Sigvaldason.
Næstu sýningar verða annað kvöld,
fimmtudagskvöld, kl. 20.30 og laug-
ardaginn 6. maí kl. 15.
NT\t skólainir í Hafnai’flvði og Kópavogi
bjóða upp A tvö liagnýt og niarlvviss
tölvunánvskeið fyi’ir byijendur.
60 klst. edt» 90 keimslustundir;
- Grumatriði í upplýsingatækni
•" Windows 98 stýrikerfið
«- Word ritvinusla
► Exrel töflureikuir
- Access gagnagrunnur
PowerPoint (gerð kynningarefnis)
*- Internetið (vefurinn og tölvupóstur)
48 klst eða 72 kennslustundir:
► Almenntum tölvur og Windows 98
- Wordritvinnsla
- Excel töflureiknir
*• Internetiö (vefurinn og tölvupóstur)
Boðið er upp ábæði mprgun- og kvöldnámskeið
semhefjast 5,8.ogl5. maí nk.
Upplýsitigm' og imu itun í síiuum
544 4500 og 555 4980
&
ntv
Nýi tölvu- &
viðskiptaskólinn
HÓIshrauni 2 - 220 Hafnarfirói - Slml: 555 4980 - Fax: 555 4981
Hlföasmára 9- 200 Kópavogi - Slmi: 544 4500 - Fax: 544 4501
Tðlvupóstfang: skoli@ntv.is - Heimasfða: www.ntv.is