Skírnir - 01.01.1907, Blaðsíða 24
24
Darwinskenning og framþróunarkenning.
eiukennum Weissmanns er að hann er andstæðingur
Lamarcks, eins og eitt af einkennum Cuviers er að hann
hafnar framþróunarhugmyndinni. En kenningar þeirra
eru engu fremur en kenning Darwins eða Lamareks órjúf-
andi heildir, og má því liða þær sundur í sérstakar greinir
og setja svo þær greinir í ný sambönd.
A. Weissmanm-LamarcJcskenning. — Það má játa í
sömu andránni, á annan bóginn, að tegundarbreytingarnar
séu snöggar og meðfæddar, og á hinn bóginn, að þessar
breytingar séu runnar af breytingum umhverfisins og séu
því frá upphafi vega sameiginlegar mörgum einstakling-
um, er lifa í sama umhverfinu, Weissmann heldur að
allar tegundarbreytingar séu meðfæddar, en að það séu
smávægilegar einstaklingsbreytingar, sem náttúruvalið-
smám saman safni fyrir, og að áhrif umhverfisins eigi
engan þátt í framkomu þeirra. Það má hafna þessum.
síðari staðhæfingum, fallast að eins á hina fyrstu og halda
því fram, í fyrsta lagi, að tegundarbreytingin sé snögg og
náttúruvalið eigi því engan þátt í framkomu hennar, og
í öðru lagi, að þessi breyting stafi af áhrifum umhverfis-
ins. A þann hátt væri úr kenningu Weissmanns vinsað
burt hugmyndum Darwins um náttúruvalið, smábreytingar
og einstaklingsbreytingar, sem Weissmann hefir samlagað
kenningu sinni, og hún tvinnuð við hugmynd Lamarcks,
sem Weissmann hefir jafnan verið andvígur. Og sé kenn-
ing sú er vér fáum þannig ekki framar kenning Darwins,
þá er hún ekki freraur kenning Lamarcks, því að vér
játum með Weissmann og gegn Lamarck, að tegundar-
breyting stafi ekki af erfðaþróun breytinga þeirra er ein-
staklingurinn tekur; vér höldum því sem vér höfum kall-
að fyrstu grein Lamarcks og höfnum hinni annari.
Reyna mætti að tengja við kenningu þessa skoðanir
de Launay’s um uppruna og útbreiðsiu tegundanna og
reynslu Jacques Loeb’s um meygetnað af manna völdum,
De l.aunay hyggur að tegundarbreyting komi fyrst i ljós
á hóp einstaklinga á afmörkuðu svæði, en síðan dreifist
tegundin út yfir stærri og stærri svæði. Henni væri all-