Skírnir - 01.01.1907, Blaðsíða 35
Rembrandt.
í tilefni af 300 ára afmæli hans.
I.
Það heflr leikið efi á hvaða dag og jafnvel hvaða ár
Rembrandt sé fæddur, og enn þá er ekki fengin full vissa
fyrir hinu rétta. En samt þykir liklegast, að hann sé
fæddur 15. d. júlhn. 1606, og þess vegna voru í sumar
sem leið hátíðahöld víða á Hollandi í tilefni af 300 ára
afmæli hans.
Höfundur þessara lína hafði tækifæri til að vera við
hátíðahöldin í Amsterdam, Leiden og Hoorn, en hér yrði
cf langt mál að lýsa þeim út í æsar, og skal þess að
eins getið, að í Leiden, fæðingarborg hins fræga málara,
byrjaði hátíðin með því, að ekkjudrotningin afhjúpaði
minnisvarða meistarans. Minnisvarði þessi er reistur
skamt þaðan, sem mylna föður hans stóð; er hann
brjóstmynd af Rembrandt úr eirblending, og stendur á
granítstöpli.
í Amsterdam stóð Rembrandtshátíðin í tvo daga. I
skrautgöngu fóru menn fyrsta daginn til W e s t e r k e r k,
þar sem Rembrandt er grafinn, og seinni daginn til
Rembrandtsplein, þar sem honum þegar fyrir
mörgum árum var reistur minnisvarði. En auk þess var
minningu hans sómi sýndur með því, að háskólinn í Am-
sterdam á afmælisdag hans gjörði að heiðursdoktorum þá
5 menn, sem mest og bezt hafa unnið að því, að varpa
ljósi yfir æfiferil hans og lífsstarf, og um einn af þessum
3*