Skírnir - 01.01.1907, Blaðsíða 38
88
Rembrandt.
þríhyrnt opið svæði milli síkja. Þar var áður eitt af
aðalborgarhliðum Leidens, er »Witteport« hét. Vinstra
megin við það var stutt stræti, »Weddesteg», og í þriðja
húsinu í því stræti fæddist Rembrandt.
Húsið hefir staðið á fallegum og sveitarlegum stað og
þaðan verið ljómandi fallegt útsýni. A aðra hönd — hinum
megin við síkið og borgarmúrinn — sáust iðgræn engi
svo langt sem augað eygði, en til hinnar handar áin,
sem ótal skip sigldu eftir. Beint á móti húsinu snerust
vængir tveggja vindmylna, sem í óða önn möluðu malt i
bjórinn handa stúdentunum.
Aðra mylnuna átti faðir Rembrandts, Hermann eða
Harmen Gerritszoon, til helminga við stjúpa sinn, og af
því hún lá við kvísl af Rín, tók hann upp viðurnefnið :
v a n R i j n.
Harmen Gerritszoon (stytt: Gerritsz) var efnaður og
velmetinn maður. Auk hússins við Weddesteg og myln-
unnar átti hann nokkur önnur hús í bænum og stóra
kálgarða utanborgar. Hann hafði kvænst 8. d. októberm.
1589 Corneliu (Neeltje) Willemsdocliter, og var hún mesta
sæmdarkona, og ól upp börn sín í guðsótta og góðum
siðum. Alls áttu þau hjónin 6 börn, en Rembrandt var
hið fimta í röðinni, og fæddist að öllum líkindum 15. d.
júlím. 1606. Skírnarnafnið Rembrandt er óvanalegt,
og þvi engin nauðsyn á að auðkenna hinn nafnfræga
mann með föðurnafni, en fyrst framan af var hann kall-
aður Rembrandt Harmenszoon eða Harmensz van Rijn.
Fangamarkið á myndum hans er ýmist R. II. L. (Leidensis),
stundum bætir hann við »van Rijn«.
Þó að ekkert viti menn um bernskuár Rembrandts,
má samt af öllu ráða, að hann hafi átt gott lieiniili.
Faðir hans vnr, eins og fyr um getið, efnaður og mikils-
metinn borgari, móðir hans var góð og guðhrædd kona, sem
sjálfsagt hefir átt mikinn þátt í live Rembrandt var vei
að sér í biblíuuni. Sonur þeirra hefir dregið upp margar
myndir af I'oreldrum simr.n, cinkum af móður sinni, og