Skírnir - 01.08.1912, Qupperneq 21

Jörgen Pétur Havstein.
211
Þetta frumvarp lögðu þeir amtmennirnir fram af sinni
hálfu, en stiftamtmaður gat því miður ekki orðið því sam-
þykkur, enda átti hann óneitanlega miklu verra aðstöðu
en hinir, þar sem sýkin geisaði eingöngu í umdæmi hans,
og mikið í húfi, er um almennan niðurskurð var að ræða.
Hann samdi því og lagði fram sérstakt frv., er hélt fram
lækningum. En með þessu ágreiningsatkvæði stiftamt-
manns var stigið það spor í sundrungaráttina, sem tafði
fyrir öllum framkvæmdum í málinu um langt skeið, og
var það auðvitað afaróheppilegt í öðru eins máli og þessu,
er um fram alt þurfti skjótrar úrlausnar. Varð þetta til
þess að gera alþýðu manna enn þá deigari og meira
hikandi.
Aður en amtmannafundinum sleit fekk þó Havstein
því framgengt, að samtök voru hafin um enn frekari ráð-
stafanir gegn útbreiðslu sýkinnar. Voru nú auk gæzlu-
varðarins úr Húnavatnssýslu settur vörður fram með Hvítá
i Borgarfirði, 29 menn úr Mýrasýslu, og fjórir menn til
geymslu milli Arnarfells- og Tungufellsjökla til að verja
samgöngum á fé Þingeyinga og Arnes- og Rangæinga.
Enn fremur gáfu þeir amtmennirnir báðir, Melsteð og
Havstein út auglýsingu i Reykjavík dags. 11. júní um
ýmsar varúðarreglur, er gæta skyldi norðan lands og vest-
an, þar er kaupafólk úr Suðurumdæminu ætti í hlut.
Skyldi fatnaður þess vandlega þvældur og hreinsaður, er
það kæmi að sunnan, og engum leyft að taka fé í kaup
sitt og reka suður um haustið. Fáum vér eigi betur séð,
en að ummæli þau séu réttmæt, er blaðið Norðri flutti um
þessar ráðstafanir og framkvæmdir Havsteins amtmanns
að aflokinni suðurferðinni, og eru þau á þessa leið: »Oss
virðist nú, að amtmaður Havstein og Norðlendingar hafi
gert alt sem í þeirra valdi stóð til þess að koma þessu
máli vel til lykta, og hvernig sem því reiðir af, þá á amt-
maður Havstein það skilið að það sé viðurkent opinber-
lega, að hann hefir frá byrjun litið rétt á þetta mál og
fylgt skoðun sinni fram með hinni mestu festu, stillingu
og þreki. Honum má ísland þakka það, ef það kemst
14*