Árbók Hins íslenzka fornleifafélags - 01.01.1973, Page 155

SKÝRSLA UM ÞJÓÐMINJASAFNIÐ 1972
155
ur árangur í viðgerðum á annarra vegum, sem Þjóðminjasafnið hef-
ur stutt með fé og fyrirgreiðslu.
Ekkert var unnið í Norska húsinu í Stykkishólmi, þar eð aðili
sá, sem tekið hafði það verk að sér, treystist ekki til að vinna að
því er til kom. Mun þó væntanlega verða hafizt handa á næsta ári
um viðgerð efri hæðarinnar.
Staðarkirkja á Reykjanesi var endurbætt nokkuð, einkum þakið,
og það síðan bikað. Unnu það Gunnar Bjarnason og Leifur Hjör-
leifsson, sem unnið hafa ýmis slík viðgerðarstörf fyrir safnið.
Talsvert hefur verið kvartað undanfarin ár yfir upphituninni í
Hóladómkirkju, og hefur hún sannast sagna aldrei verið í lagi, þótt
miklu fé væri kostað til hennar í upphafi og oft reynt að bæta úr
göllunum. Er nú sýnt, að fá verði nýja kyndingu í kirkjuna, og fóru
þjóðminjavörður og Sveinn Torfi Sveinsson verkfræðingur norður
að Hólum í júlímánuði og gerði Sveinn Torfi ítarlega athugun á
kirkjunni og hitakerfinu og mun síðan gera tillögu um nýtt hita-
kerfi, líklegast rafhitun.
Einnig athugaði hann og lagfærði lítils háttar hitakerfið í Glaum-
bæ, sem aldrei hefur heldur reynzt eins og skyldi, einkum vegna
þess, að illa hefur gengið að hita upp loftblásturinn. Mun þar einnig
þarfnast allverulegra úrbóta, sem vinna verður að bráðlega.
Með í þessari ferð voru Karsten Ronnow arkitekt og kona hans
Gunilla Moodysson og gerðu þau tillögu að nýjum gluggum í Hóla-
kirkju, en viðbúið er að smíða þurfi tréglugga í stað málmglugg-
anna, sem munu vera frá því er kirkjunni var breytt 1886, og setja
tvöfalt gler í. 1 leiðinni var einnig skoðað gamla verzlunarhúsið á
Hofsósi, sem Ronnow arkitekt telur smíðað í Kaupmannahöfn á síð-
ara hluta 18. aldar, eitt af tólf húsum, sem keypt voru af konungs-
verzluninni og reist á Islandi og í Grænlandi. Er eitt þeirra enn
uppistandandi á Grænlandi, auk þessa. — Húsið á Hofsósi var tjarg-
að utan að nýju þetta haust og fjarlægður jarðvegur frá því og ætti
því að verjast sæmilega fyrir vatni og veðrum enn um sinn, en við-
búið er að gera þurfi allsherjarviðgerð á því innan tíðar.
Gamla kirkjan frá Svalbarði við Eyjafjörð, sem flutt var á gamla
kirkjustæðið í Fjörunni á Akureyri árið 1970, var fullviðgerð um
haustið og var vígð af sr. Pétri Sigurgeirssyni, en auk þess að verða
sýningargripur mun hún verða notuð til guðsþjónustuhalds eftir
því sem þurfa þykir. Viðgerð kirkjunnar hefur tekizt prýðilega, en
hún var framkvæmd undir yfirumsjón Þórðar Friðbjarnarsonar safn-
varðar. Má heita, að kirkjan sé í sinni gömlu mynd að öllu leyti.