Eimreiðin - 01.07.1899, Qupperneq 54

174
»Alveg rétt!«
»Svo er þessi bannsetti fundur á morgun. Þeir vilja halda
fund í leikhúsinu, og láta okkur Mr. Moore halda ræður. Mér er
nú ekkert um það, en það verður þó svo að vera.«
»Kaupið þér götustráka til að ólmast og gera skarkala, þegar
Mr. Moore fer að tala. Það kostar yður ekki nema fáeina dollara
í púðurkerlingum.«
»Það er ágæt uppástunga. Ég geri það. Svo get ég fepgið
flokk manna til að hrópa »húrra« fyrir mér úti á strætinu. Þeir
gera það, ef þeim er veitt vel á undan.«
»Þér haldið ræðu á fundinum. Er ekki svo?«
Ég býst við að það sé nauðsynlegt; en ég hefði þurft að hafa
hana skrifaða. Raunar treysti ég mér allvel til að mæla af munni
fram, en betra þætti mér þó að hafa skrifuð blöð.«
»Getið þér ekki haft rituð blöð í hattinum, haldið honum
fram undan yður meðan þér eruð að tala? Mig minnir að hann
Smith sálugi gerði það. Þér hafið hann náttúrlega á höfðinu,
þegar þér stigið upp á ræðupallinn, en svo takið þér hann ofan,
um leið og þér hneigið yður. Svo getið þér lesið upp ræðuna,
án þess að nokkur verði þess var, að hún sé í hattinum.«
»Þetta er þjóðráð. Þú hefir ætið ráð undir rifi hverju. En
eitt er enn; ég ætla að sjá um, að þú verðir kjörstjóri.«
»Ég er yður mjög þakklátur fyrir þann heiður.«
»Það eru nokkrir dauðir af þeim, sem standa á kjörskránni,
en ég hef fengið menn, sem ekki hafa kosningarrétt, til að greiða
atkvæði í þeirra nafni. Þú skalt ekki láta þá sverja, nema Mr.
Moore heimti það, en hleypa þeim fljótt að borðinu.«
»Já, sjálfsagt!«
»Það er ekki ómögulegt,« hélt Johnson áfram, »að eitthvað
af kvennfólki verði á fundinum á morgun. Fari svo, þá verður
þú að sjá um, að þær fái beztu sætin í húsinu. Svo verður þú
að vera mjög lipur við þær og kjassa krakkana — ef þær hafa þá
með sér —; það getur alt haft áhrif á kosningarnar.«
»Hm,« sagði Grimur og stóð upp; »það er nú alt verra. —
— En nú man ég það, að meðlimir saumaklúbbsins ætla að koma
á fundinn, og ganga eftir hljóðfalli með fána til heiðurs við yður.«
»Hm. Hvaða hornleikaraflokk skyldu þær hafa?«
»Þær hafa myndað hann sjálfar. Prestskonan sagði, að þær
hefðu eina góða harmoníku og þrjár munnhörpur.«