Eimreiðin - 01.01.1921, Qupperneq 14

14
DR. MATTHÍAS JOCHUMSSON
|EIMnEIÐIN
lítið, og ekkert af því var svo tilkomumikið, að það hafi
verið tekið upp í það úrval af kvæðum Matthíasar, sem
gefið var út 1915. Að vísu stendur ártalið 1861 við eitt
af erfiljóðunum þar, en það mun vera prentvilla, því að
það er orkt löngu síðar. Aftur á móti eru í nefndu úr-
vali 4 kvæði úr Utilegumönnunum, einsog þeir voru upp-
haflega. Það er merkilegt, að sú mikla skáldskapargáfa,
sem Matthiasi var gefin, skyldi eigi lýsa sér, svo heitið
geti, fyrri en hann var kominn á 27. ár, en lýsa sér þá
á háu stigi. Eflaust hefir það verið séreðli hans, að Arera
seinþroska í þessu tilliti, þótt hann væri það ekki að öðru
leyti, á líkan hátt eins og það var sérstaklegt fyrir hann,.
svo sem siðar kom fram, að ellimörk sáust varla á kvæð-
um hans eftir að hann var orðinn háaldraður. En að
það sýndi sig svo seint. hvílikt skáld hann var, hefir lík-
lega meðfram komið til af því, að hann hefir vantað næg
örfandi áhrif, en slíkum áhrifum held eg að hann hafi
orðið fyrir, er hann var að semja Útilegumennina. Leik-
tjöldin þurftu að málast nærri því samhliða því að leik-
urinn var saminn, til þess að það dragist ekki of lengi
fram eftir vetrinum að farið yrði að leika leikinn. Fyrir
því hlaut Sigurður málari að fylgjast með samningu leik-
ritsins. Nú var leikurinn þess efnis, að sýnt var á leik-
sviðinu beinakerling, tjald á grasafjalii, búningar frá 17.
öld og aðrir þjóðlegir hlutir frá fyrri tímum, sem Sigurði
voru einmitt svo innilega bjartfólgnir. Hann hefir því
hlotið, að fylgja samningu leikritsins með mjög miklum
áhuga, og Sigurður var maður með svo heitum tilfinning-
um, að þegar hann talaði um það sem snerti áhugamál
hans þá hafði það mikil áhrif. Gleði Sigurðar yfir leikn-
um og aðdáun sú, sem hann eflaust hefir látið í ljósi í
rikum mæli, hlýtur að hafa haft mikla þýðingu fyrir jafn
viðkvæma lund, eins og Matthías hafði til að bera. Sú
viðurkenning, sem Matthías hlaut fyrir Útilegumennina,
hefir svo framvegis eigi aðeins glatt hann, heldur og gefið
honum meira traust í sjálfum sér, en hann áður hefir
haft, og þannig orðið honum til varanlegrar uppörfunar.
Eins og eg áður gat um var Matthías fullorðinn mað-